ചേർത്തല: കച്ചവടം നടക്കാതെ ബുദ്ധിമുട്ടിലായ കർഷകനിൽ നിന്ന് 100 കിലോ വെള്ളരി വാങ്ങി പൊലീസ് സ്റ്റേഷനിലെത്തി പൊലീസുകാർക്ക് നൽകിക്കൊണ്ട് മാരാരിക്കുളം സ്വദേശി ആസാദ് അമർ ബെൻദീർ തന്റെ 17-ാം പിറന്നാൾ ദിനം വേറിട്ടതാക്കി.

അർത്തുങ്കൽ സ്‌കൂളിലെ പ്ലസ് ടു വിദ്യാർത്ഥിയാണ് ആസാദ് അമർ. കൊവിഡിനെ തുടർന്ന് വിപണനം പ്രതിസന്ധിയിലായ കഞ്ഞിക്കുഴിയിലെ കർഷകൻ ശുഭകേശനിൽ നിന്ന് പണംകൊടുത്ത് വെള്ളരി വാങ്ങി മാരാരിക്കുളം പൊലീസ് സ്‌​റ്റേഷനിലെ ഉദ്യോഗസ്ഥർക്കാണ് നൽകിയത്. ഇതോടൊപ്പം സാനിട്ടൈസറും മാസ്‌കുകളും നൽകി. മാരാരിക്കുളം പൊലീസ് ഇൻസ്‌പെക്ടർ എസ്.രജേഷ്,കെ.കെ.കുമാരൻ പാലിയേ​റ്റീവ് കെയർ സൊസൈ​റ്റി ചെയർമാൻ എസ്.രാധാകൃഷ്ണൻ,പ്രിൻസിപ്പൽ എസ്.ഐ ഷാജു,എസ്.ഐമാരായ സി.ശ്യാമളൻ,രാധാകൃഷ്ണൻ എന്നിവർ ചടങ്ങിൽ പങ്കെടുത്തു.