ചേർത്തല: ഡി.വൈ.എഫ്.ഐ ടൗൺ ഈസ്റ്റ് മേഖലയിലെ യൂണിറ്റുകളിൽ നിന്നു സമാഹരിച്ച നാളികേരം, പച്ചക്കറി, പലവ്യഞ്ജനങ്ങൾ, ചോറ് പൊതിയുന്നതിനുള്ള പത്രം എന്നിവ വിശപ്പ് രഹിത ചേർത്തലയുടെ കലവറയിലേക്ക് കൈമാറി. ഡി.വൈ.എഫ്.ഐ സംസ്ഥാന കമ്മിറ്റി അംഗം സി.ശ്യാംകുമാർ ഫ്ലാഗ് ഒഫ് ചെയ്തു. സാന്ത്വനം പ്രസിഡന്റും സി.പി.എം എരിയാ സെക്രട്ടറിയുമായ കെ.രാജപ്പൻ നായർ സാന്ത്വനത്തിൽ വച്ച് ഇവ ഏറ്റുവാങ്ങി. മുൻസിപ്പൽ ചെയർപേഴ്‌സൺ ഷേർളി ഭാർഗവൻ, കെ.പി. പ്രതാപൻ,സൽമ സുനിൽ, മേഖലാ സെക്രട്ടറി എസ്.സുമേഷ്, വൈഭവ് ചാക്കോ,വിമൽ മോഹൻ എന്നിവർ പങ്കെടുത്തു. ചേർത്തല നഗരത്തിലെയും 5 പഞ്ചായത്തുകളിലേയും കിടപ്പു രോഗികൾക്കും ഭക്ഷണം ലഭിക്കാത്ത നിർദ്ധനരായ 350 ഓളം പേർക്കും ദിവസേന വീടുകളിൽ ഉച്ചഭക്ഷണം എത്തിച്ചു നൽകുന്നതാണ് പദ്ധതി. മൂന്നര വർ
ഷം മുമ്പാണ് ആരംഭിച്ചത്.