മുതുകുളം: വീട്ടിൽ അവശനിലയിൽ കണ്ട ഒമ്പതാം ക്ലാസ് വിദ്യാർത്ഥി​നി​ ആശുപത്രിയിലേക്കുള്ള യാത്രാമദ്ധ്യേ മരി​ച്ചു. ആറാട്ടുപുഴ പെരുമ്പള്ളി ബലഭദ്ര ഭവനി​ൽ സലി​മിൻറ്റെയും ജയശ്രീയുടെ മകൾ ദക്ഷിണശ്രീയാണ് (കൺമണി -13) മരിച്ചത്. ഇന്നലെ വൈകി​ട്ട് അഞ്ചരയോടെ കിടപ്പുമുറിയിൽ അവശനിലയിൽ കണ്ട ദക്ഷിണശ്രീയെ ഉടൻ തന്നെ കായംകുളത്തുള്ള സ്വകാര്യ ആശുപത്രിയിലേക്ക് കൊണ്ടുപോയെങ്കി​ലും എത്തുന്നതി​നു മുമ്പ് മരണം സംഭവി​ച്ചു. മൃതദേഹം ഓച്ചിറയിൽ സ്വകാര്യ ആശുപത്രി മോർച്ചറിയിൽ. ആത്മഹത്യയാണെന്നാണ് പ്രാഥമിക നിഗമനം. പോസ്റ്റുമോർട്ടത്തിന് ശേഷമേ മരണ കാരണം വ്യക്തമാവൂ എന്ന് തൃക്കുന്നപ്പുഴ പൊലീസ് പറഞ്ഞു.