മാവേലിക്കര: ആശങ്കവേണ്ട, അരികിലുണ്ട് അദ്ധ്യാപകർ എന്ന സന്ദേശവുമായി കെ.എസ്.ടി.എ മാവേലിക്കര ഉപജില്ല കമ്മിറ്റി ഒന്നര ലക്ഷത്തോളം രൂപ മുടക്കി വാങ്ങിയ പൾസ് ഓക്സിമീ​റ്ററുകൾ വിതരണം ചെയ്തു. ഉപജില്ലയിലെ ഏഴ് ഗ്രാമപഞ്ചായത്തുകളിലും ഒരു നഗരസഭയിലുമായി 170 പൾസ് ഓക്സിമീ​റ്ററുകളാണ് കൈമാറുന്നത്. വാർഡ് ജാഗ്രതാ സമതികൾക്കുള്ള പൾസ് ഓക്സി മീ​റ്ററുകൾ കെ.എസ്.​ടി.എ ജില്ലാ പ്രസിഡന്റ് സി.ജ്യോതികുമാർ നിയുക്ത എം.എൽ.എ എം.എസ്.അരുൺകുമാറിന് കൈമാറി. തഴക്കര ഗ്രാമപഞ്ചായത്ത് പ്രസിഡന്റ് ഷീബ സതീഷ്, ബ്ലോക്ക് പഞ്ചായത്തംഗം ഷീല, കെ.എസ്.ടി.എ ഉപജില്ലാ സെക്രട്ടറി കെ.അനിൽകുമാർ, ജില്ലാ കമ്മി​റ്റി അംഗം യു.ദീപ, ഉപജില്ലാ കമ്മി​റ്റിയംഗം പി.ബിനു തുടങ്ങിയവർ പങ്കെടുത്തു. ഉപജില്ലയിലെ ചെട്ടികുളങ്ങര, തഴക്കര, ചെന്നിത്തല, തെക്കേക്കര, നൂറനാട്, ചുനക്കര, പാലമേൽ പഞ്ചായത്തുകളിലും മാവേലിക്കര നഗരസഭയിലുമായി 160 വാർഡുകളിലാണ് പൾസ് ഓക്സിമീ​റ്ററുകൾ എത്തിക്കുന്നത്. ഉപജില്ലയിലെ അദ്ധ്യാപകർ പൾസ് ഓക്സിമീ​റ്റർ ചലഞ്ചിലൂടെയാണ് ഇതിനുള്ള തുക സമാഹരിച്ചത്.