അമ്പലപ്പുഴ: വട്ടപ്പായിത്ര നി​വാസി​കൾ എല്ലാ സമയവും അഴുക്കുവെള്ളംകുടി​ക്കേണ്ടി​ വരുമോ എന്ന ഭീതി​യി​ലാണ്. കഞ്ഞിപ്പാടം എ.കെ .ജി - വട്ടപ്പായിത്ര റോഡിൽ രണ്ട് മാസമായി കുടിവെള്ള പൈപ്പ് പൊട്ടി ശുദ്ധജലം പാഴാകുകയാണ്. പമ്പിംഗ് ഇല്ലാത്ത സമയത്ത് പൈപ്പ് പൊട്ടിയ ഭാഗത്തുകൂടെ മലിനജലം പൈപ്പിൽ പ്രവേശിക്കുകയും ശുദ്ധജലത്തിൽ മലിനജലം കലരുമോ എന്നതാണ് ഇവരുടെ പേടി​. അങ്ങനെ സംഭവി​ച്ചാൽ 1000 ത്തോളം വീടുകളിൽ ഈ മലിനജലം എത്തുന്ന സ്ഥി​തി​യാണ്.

നിരവധി തവണ അധികൃതരുടെ ശ്രദ്ധയിൽ പെടുത്തിയി​ട്ടും യാതൊരു നടപടിയും ഉണ്ടായിട്ടില്ലെന്നാണ് ആക്ഷേപം. ചിറയിൽ ഭാഗത്താണ് ശുദ്ധജലം പാഴായി പോകുന്നത്. വാർഡിൽ പല ഭാഗത്തും ശുദ്ധജല ക്ഷാമം നേരിടുമ്പോഴും‌ അധികൃതർ വെള്ളം പാഴാകുന്നത് കണ്ടില്ലെന്ന് നടിക്കുകയാണെന്നാണ് നാട്ടുകാരുടെ പരാതി​.

........

പകർച്ച വ്യാധികൾ വ്യാപകമാകുന്ന മഴക്കാലത്തിന് മുൻപേ പ്രശ്നം പരി​ഹരി​ക്കണം. അല്ലെങ്കിൽ കൂടുതൽ ആരോഗ്യപ്രശ്നങ്ങൾ ഉണ്ടാകും. അധികൃതരുടെ അനാസ്ഥ മറ്റ് പകർച്ചവ്യാധികൾക്ക് തുടക്കമാകരുതേ എന്നാണ് പ്രാർത്ഥന

നാട്ടുകാർ