ചാരുംമൂട്: കേന്ദ്ര സർക്കാരിന്റെ കർഷക ദ്രോഹ നയങ്ങൾക്കെതിരെ കഴിഞ്ഞ ആറുമാസത്തിലേറെയായി സമരം ചെയ്യുന്ന കർഷക പ്രക്ഷോഭത്തിന് ഐക്യദാർഢ്യം പ്രഖ്യാപിച്ച് എൻ.സി.പി.ആഹ്വാനം ചെയ്ത കരിദിനം മാവേലിക്കര ബ്ലോക്ക് കമ്മിറ്റിയുടെ നേതൃത്വത്തിൽ പയ്യന്നൂർ ബി.എസ്.എൻ.എൽ. ഓഫീസിന് മുൻപിൽ നടത്തി. എൻ.സി.പി. സംസ്ഥാന എക്സിക്യുട്ടീവ് അംഗം പി.എ.സമദ് ഉദ്ഘാടനം ചെയ്തു. ബ്ലോക്ക് പ്രസിഡന്റ് ചന്ദ്രശേഖരൻ പിള്ള അദ്ധ്യക്ഷത വഹിച്ചു. പള്ളിക്കൽ സുരേന്ദ്രൻ, അനീഷ് താമരക്കുളം, എൻ.വൈ.സി. ബ്ലോക്ക് പ്രസിഡന്റ് നെജീം, ഹനീഫ് മുഹമ്മദ് എന്നിവർ സംസാരിച്ചു.