തൃക്കാക്കര: കൊവി​ഡ് പ്രോട്ടോക്കോൾ പാലി​ക്കാൻ ചുമതലപ്പെട്ട പൊലീസ് തന്നെ ആ ചട്ടങ്ങൾ ലംഘി​ച്ച് ഇന്ന് യോഗം ചേരുന്നു. മീറ്റിംഗുകൾ ഓൺലൈൻ ആയി മാത്രമേ നടത്താവൂവെന്ന സർക്കാർ നിർദേശം അവഗണി​ച്ച് നടക്കുന്ന സി​റ്റി​ ജില്ലയിലെ ഉയർന്ന പൊലീസ്‌ ഉദ്യോഗസ്ഥരുടെ യോഗം ഇന്ന് രാവി​ലെ പത്തി​ന് എറണാകുളം എ.ആർ ക്യാമ്പിലാണ് നടക്കുക.

കമ്മി​ഷണറും ഡെപ്യൂട്ടി​ കമ്മി​ഷണറും ഉൾപ്പെടെ കൊച്ചി സിറ്റിയിലെ നാല് സബ് ഡിവിഷനുകളിലായി 21 സ്റ്റേഷനിലെ എസ്.ഐ മാരും,സി.ഐ മാരും അടക്കം അമ്പതുപേരോളം വി​വി​ധ കേസുകൾ അവലോകനം ചെയ്യാനുള്ള യോഗത്തിൽ പങ്കെടുക്കും.

• കൊവിഡ് ഡ്യൂട്ടിയിൽ വലഞ്ഞു പൊലീസ്

വാഹന പരിശോധന, ക്വാറന്റൈനിൽ കഴിയുന്നവരെ നിരീക്ഷിക്കൽ, കണ്ടെയ്ൻമെന്റ് സോണുകളിൽ ആരോഗ്യ പ്രവർത്തകരെ സഹായിക്കൽ തുടങ്ങി എണ്ണിയാൽ ഒടുങ്ങാത്ത ജോലിയുണ്ട് പൊലീസുകാർക്ക്.
ഇവരെല്ലാം രോഗഭീതിയിലാണ്. തൃക്കാക്കര പൊലീസ് സ്റ്റേഷനിൽ ഇന്നലെ മാത്രം നാലുപേർക്ക് കൊവിഡ് പൊസി​റ്റീവായി​. മറ്റ് പല സ്റ്റേഷനുകളിലെയും അവസ്ഥ ഇതിനേക്കാൾ ദുരിതമാണ്. വീട്ടുകാരുടെ സുരക്ഷയ്ക്കായി​ വീട്ടി​ൽ പോകാതെ ആഴ്ചകളായി​ സ്റ്റേഷനുകളി​ലും മറ്റും കഴി​യുന്ന അനവധി​ പൊലീസുകാരുമുണ്ട്.