കോതമംഗലം: കവളങ്ങാട് പഞ്ചായത്തിന്റെ നേതൃത്വത്തിൽ നെല്ലിമറ്റം എംബിറ്റ്സ് എൻജിനീയറിംഗ് കോളേജിൽ ആരംഭിക്കുന്ന ഡൊമിസിലിയറി കെയർ സെന്ററിലേക്ക് (ഡി.സി.സി) കവളങ്ങാട് സർവീസ് സഹകരണ ബാങ്ക് സൗജന്യമായി വാഷിംഗ് മെഷീൻ നൽകി. നെല്ലിമറ്റത്ത് നടന്ന ചടങ്ങിൽ ബാങ്ക് പ്രസിഡന്റ് കെ.ബി. മുഹമ്മദിൽനിന്ന് പഞ്ചായത്ത് പ്രസിഡന്റ് സൈജന്റ് ചാക്കോയും ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ ഷിബു പടപ്പറമ്പത്തും ചേർന്ന് വാഷിംഗ്‌ മെഷീൻ ഏറ്റുവാങ്ങി. ബാങ്ക് സെക്രട്ടറി പി.കെ. മധുസൂദനൻ, ബാങ്ക് ഭരണസമിതിഅംഗം ടി.എച്ച്. നൗഷാദ് എന്നിവർ ചടങ്ങിൽ പങ്കെടുത്തു.