കൊച്ചി: കൊവിഡ് പ്രതിരോധ പ്രതികരണ പ്രവർത്തനങ്ങൾക്കായി ജില്ലാ ദുരന്തനിവാരണ അതോറിട്ടിക്ക് സർക്കാർ വകപ്പുകളുടെയും പൊതുമേഖലാ സ്ഥാപനങ്ങളുടെയും പ്രാഥമിക കാർഷിക സഹകരണ വികസന ബാങ്കുകളുടെയും വാഹനങ്ങൾ ഡ്രൈവർമാർ
സഹിതം കൈമാറാൻ ജി​ല്ലാ കളക്ടറുടെ ഉത്തരവ്. താലൂക്ക് തഹസിൽദാർമാർ മുൻപാകെ ഇന്ന് രാവിലെ 10.30ന് വാഹനങ്ങൾ എത്തിക്കണം. വീഴ്ച വന്നാൽ കസ്റ്റോഡിയൻ ഓഫീസർമാർക്കെതിരെ ദുരന്ത നിവാരണ നിയമ പ്രകാരം പൊലീസ് കേസെടുക്കും. ഈ കസ്റ്റോഡിയൻ ഓഫീസർമാർ ഉച്ചക്ക് 12 മണിക്ക് ജില്ലാ കളക്ടർ മുമ്പിൽ നേരിട്ട് ഹാജരാകണം. പൊലീസ്, റവന്യൂ. ആരോഗ്യം, ഗതാഗതം, തദ്ദേശ സ്വയംഭരണം, വനം, എക്സൈസ്, ഫയർ, തൊഴിൽ വകപ്പുകളുടെ വാഹനങ്ങളെ നിബന്ധനയിൽ നിന്ന് ഒഴിവാക്കിയിട്ടുണ്ട്.