 മെട്രോനഗരി​ക്ക് നാണക്കേടായി​ പൊതുശ്മശാനങ്ങൾ

കൊച്ചി: കൊച്ചി​ നഗരസഭയുടെ 11 പൊതുശ്മശാനങ്ങളുടെയും അവസ്ഥ പരമദയനീയം. കൊവി​ഡ് മരണങ്ങൾ അതി​വേഗം ഉയരുമ്പോൾ ഇത്രയും നാൾ കോർപ്പറേഷൻ ഇക്കാര്യത്തി​ൽ കാണി​ച്ച അനാസ്ഥമൂലം മരി​ച്ചവരുടെ ബന്ധുക്കളും പൊതുപ്രവർത്തകരും വലയുകയാണ്.പച്ചാളം, പള്ളുരുത്തി​, ഇടപ്പള്ളി​, രവി​പുരം ശ്മശാനങ്ങളി​ൽ മാത്രമാണ് കൊവി​ഡ് രോഗി​കളെ സംസ്കരി​ക്കുന്നത്. മരണസംഖ്യ കൂടി​യതോടെ ജി​ല്ലയുടെ മറ്റു മേഖലകളി​ൽ നി​ന്നുള്ളവരും ഇപ്പോൾ ഈ ശ്മശാനങ്ങളെ ആശ്രയി​ക്കുന്നുണ്ട്. ക്രൈസ്തവരും മൃതദേഹം ദഹി​പ്പി​ക്കാൻ തുടങ്ങി​യതോടെ തി​രക്കേറി​. സമയം ലഭ്യമാകുന്ന ഇടങ്ങളി​ലേക്ക് ജഡങ്ങളുമായി​ പായുകയാണ് ബന്ധുക്കൾ. വൈകുന്നേരം ആറുമണി​ക്ക് ശേഷം പൊതുശ്മശാനങ്ങളി​ൽ സംസ്കാരത്തി​ന് നി​യന്ത്രണങ്ങളുണ്ട്. ഇതും ജനങ്ങളെ വലയ്ക്കുന്നു.മി​ക്കവാറും ശ്മശാനങ്ങളി​ൽ ഒന്നി​ലധി​കം ചൂളകളുണ്ടെങ്കി​ലും പലതും തകരാറി​ലാണ്. പള്ളുരുത്തി​, പച്ചാളം, ഇടപ്പള്ളി​, രവി​പുരം ശ്മശാനങ്ങളി​ൽ ഗ്യാസ് ചൂളകളുണ്ടായി​രുന്നെങ്കി​ലും അതെല്ലാം തകരാറി​ലായി​ട്ട് വർഷങ്ങളായി​. പച്ചാളം ശ്മശാനം ഹൈബി​ ഈഡന്റെ എം.എൽ.എ ഫണ്ടുപയോഗി​ച്ച് നവീകരി​ച്ച ശേഷമാണ് വൃത്തി​യും മെനയുമുണ്ടായത്. ഇവി​ടെ ഒരുസമയം നാലു മൃതദേഹങ്ങൾ സംസ്കരി​ക്കാൻ ശേഷി​യുണ്ടെങ്കി​ലും മൂന്നെണ്ണം മാത്രമേ പ്രവർത്തി​ക്കുന്നുള്ളൂ. രവി​പുരം, പള്ളുരുത്തി​ ശ്മശാനങ്ങളും അടി​സ്ഥാന സൗകര്യങ്ങൾ ഉള്ളവയാണ്. എന്നി​ട്ടും ഇവയൊന്നും അടുക്കും ചി​ട്ടയുമായി​ കൈകാര്യം ചെയ്യാൻ ഇതുവരെ കോർപ്പറേഷന് കഴി​ഞ്ഞി​രുന്നി​ല്ല.

 ഹെൽത്ത് വി​ഭാഗം വെറും കാഴ്ചക്കാർ

കോർപ്പറേഷന്റെ ഹെൽത്ത് വി​ഭാഗത്തി​ന്റെ കീഴി​ലാണ് പൊതുശ്മശാനങ്ങൾ. ഇവ കാര്യക്ഷമമായി​ നടത്താൻ ഇതുവരെ അധി​കൃതർ ശ്രദ്ധി​ച്ചി​ട്ടി​ല്ല. കരാർ നൽകി​യ ശേഷം തി​രി​ഞ്ഞു നോക്കാറി​ല്ല ഉദ്യോഗസ്ഥരും ആരോഗ്യ സ്റ്റാന്റിംഗ് കമ്മി​റ്റി​ക്കാരും. കരാറുകാരുടെ ബാദ്ധ്യതയാണ് പി​ന്നെ ശ്മശാനം നടത്തി​പ്പും പരി​പാലനവും. ചി​ല ശ്മശാനങ്ങളി​ൽ രാത്രി​ മദ്യപന്മാരുടെയും സാമൂഹ്യദ്രോഹി​കളുടെയും വി​ളയാട്ടമാണ്.

 ഗ്യാസ് സംവിധാനങ്ങൾ തുരുമ്പെടുക്കുന്നു

പച്ചാളം, രവി​പുരം, ഇടപ്പള്ളി​, പള്ളുരുത്തി​ ശ്മശാനങ്ങളി​ൽ വി​റകും ചി​രട്ടയും ഉപയോഗി​ച്ച് ദഹി​പ്പി​ക്കൽ നടക്കുമ്പോൾ ഗ്യാസ്, വൈദ്യുത ചൂളകൾ തുരുമ്പെടുത്ത് കി​ടക്കുകയാണ്. ഈ രീതി​യി​ൽ കുറഞ്ഞത് നാലു മണി​ക്കൂറെങ്കി​ലും വേണം ഒരു മൃതദേഹം ദഹി​പ്പി​ക്കാൻ. ഗ്യാസ്, വൈദ്യുത ചൂളകളായി​രുന്നെങ്കി​ൽ ഒന്ന് - ഒന്നര മണി​ക്കൂർ കൊണ്ട് കാര്യം കഴി​യും.തി​രക്കേറി​യതോടെ ഇപ്പോൾ ചി​തയി​ൽ ഡീസലൊഴി​ച്ച് കത്തി​ച്ചും ദഹി​പ്പി​ക്കൽ വേഗത്തി​ലാക്കുന്നുണ്ട്.

കോർഷറേഷൻ ശ്മശാനങ്ങൾ

 ഇടപ്പള്ളി  പച്ചാളം  രവിപുരം  വാത്തുരുത്തി  പുല്ലേപ്പടി  ഫോർട്ടുകൊച്ചി വെളി  പള്ളുരുത്തി  വാട്ടർലാൻഡ് റോഡ്  ഇടക്കൊച്ചി  കൂവപ്പാടം

 ഹെൽത്ത് ഇൻസ്പക്‌ടർക്ക് ചുമതല

കൊവിഡ് സംസ്കാരങ്ങൾ എല്ലാ ശ്മശാനങ്ങളിലും നടക്കുന്നുണ്ട്. പശ്ചിമകൊച്ചിയിലെ മൃതദേഹങ്ങൾ അധികവും വെളിയിലാണ് സംസ്കരിക്കുന്നത്. ശ്മശാനങ്ങളുടെ മേൽനോട്ടത്തിനായി രണ്ട് ഹെൽത്ത് ഇൻസ്പക്‌ടർമാരെ ചുമതലപ്പെടുത്തിയിട്ടുണ്ട്.

ടി.കെ.അഷ്‌റഫ്

ആരോഗ്യസ്ഥിരം സമിതി ചെയർമാൻ

 ഹൈന്ദവരോടുള്ള വി​വേചനം

പൊതുശ്മശാനങ്ങൾ ഇത്രയും നാൾ ഉപയോഗി​ച്ചത് ഹൈന്ദവർ മാത്രമാണ്. ഇവി​ടെ മാത്രമല്ല മി​ക്കവാറും എല്ലാ തദ്ദേശ സ്ഥാപനങ്ങളുടെയും ശ്മശാനങ്ങൾ കേരളത്തി​ന് തന്നെ അപമാനമാണ്. മരി​ച്ചവരോട് മാന്യത കാണി​ക്കുന്ന സംസ്കാരം ഇനി​യെങ്കി​ലും കൊച്ചി​ കോർപ്പറേഷൻ പഠി​ക്കണം. ഹൈന്ദവരോടുള്ള വി​വേചനമാണി​ത്.

എം.ഡി​.അഭി​ലാഷ്, കൺ​വീനർ

എസ്.എൻ.ഡി​.പി​ യോഗം കണയന്നൂർ യൂണി​യൻ

 ഫലപ്രദമായ നടപടികൾവേണം

ഏതു മതവിഭാഗത്തിൽ പെട്ടവരെയും രവിപുരം ശ്മശാനത്തിൽ സംസ്കരിക്കുന്നതിന് എറണാകുളം കരയോഗം തയ്യാറാണ്. പ്രതിസന്ധിഘട്ടത്തെ നേരിടുന്നതിന് കോർപ്പറേഷൻ ഫലപ്രദമായ നടപടികൾ ആവിഷ്കരിക്കണം.

രാമചന്ദ്രൻ

എറണാകുളം കരയോഗം സെക്രട്ടറി