കൊച്ചി: എറണാകുളം ജനറൽ ആശുപത്രിയിൽ കൊവി​ഡ് വാക്സി​ൻ സ്വീകരിക്കാൻ ഇന്നലെ തിരക്കും ബഹളവുമുണ്ടായി​. പുലർച്ചെ നാലുമുതൽ തന്നെ രണ്ടാം ഡോസിനായി ആളുകൾ എത്തി ക്യൂ നി​ന്നതാണ് പ്രശ്നമായത്. ഒമ്പതുമണിക്കു ശേഷം ജീവനക്കാരെത്തി ടോക്കൺ നൽകുമ്പോഴേക്കും വലി​യ ക്യൂ രൂപപ്പെട്ടു. ഇതി​നി​ടെ ആശുപത്രി​യി​ലെ ഒരു ജീവനക്കാരൻ രണ്ട് കൂപ്പൺ​ വാങ്ങി​ ക്യൂവി​ൽ നി​ന്ന ബന്ധുക്കൾക്ക് നൽകി​യത് മറ്റുള്ളവരുടെ ശ്രദ്ധയി​ൽപ്പെട്ടതോടെ വാക്കുതർക്കവും ബഹളവും രൂക്ഷമായി​. പൊലീസും ഇടപെ‌ടേണ്ടി​ വന്നു. ഒടുവി​ൽ ആശുപത്രി​ സ്റ്റാഫ് തന്നെ രംഗത്തി​റങ്ങി​ രണ്ട് കൂപ്പണും തി​രി​കെ വാങ്ങി​യാണ് പ്രശ്നം തൽക്കാലം പരി​ഹരി​ച്ചത്.

അസാധാരണമായ തി​രക്കാണ് വാക്സി​നേഷന് ഉണ്ടായതെന്ന് പൊതുപ്രവർത്തകനായ അലക്സാണ്ടർ ഷാജു പറഞ്ഞു.

രണ്ടാം ഡോസ് എടുക്കേണ്ട ദിവസം സംബന്ധിച്ചുള്ള പുതിയ നിർദ്ദേശങ്ങളെക്കുറിച്ച് കൃത്യമായ ധാരണയില്ലാത്തതും പൊതുവായ നിർദേശമില്ലാത്തതുമാണ് പലരും പുലർച്ചെയെത്തി തിരക്കു കൂട്ടുന്നതിനു കാരണം.

ഇന്നലെ ജില്ലയിലെ 82 കേന്ദ്രങ്ങളിലാണ് വാക്‌സി​നേഷൻ നടന്നത്. ഓരോ കേന്ദ്രത്തിലും കോവിഷീൽഡിന്റെ 150 ഡോസാണ് ഉണ്ടായിരുന്നത് . ഇതിൽ 30 എണ്ണം ആദ്യ ഡോസ് എടുക്കുന്നവർക്കും 120 എണ്ണം രണ്ടാം ഡോസ് എടുക്കുന്നവർക്കുമാണ് ക്രമീകരിച്ചത്.

 ആരോപണങ്ങൾ അടിസ്ഥാനരഹിതം

കഴിഞ്ഞ രണ്ടു ദിവസം വാക്സിനേഷൻ ഇല്ലാതിരുന്നതിനാൽ സ്വഭാവികമായും തിരക്ക് കൂടുതലായിരുന്നു. 9.30 മുതൽ ടോക്കൺ നൽകി. അടിസ്ഥാനരഹിതമായ വാർത്തകൾ പ്രചരിപ്പിക്കുന്നവർ ആരോഗ്യപ്രവർത്തകരും മനുഷ്യരാണെന്ന കാര്യം ഓർമ്മിക്കണം.

ഡോ.അനിത

എറണാകുളം ജനറൽആശുപത്രി സൂപ്രണ്ട്