പെരുവ: മുളക്കുളം ഗ്രാമപഞ്ചായത്തിൽ ആയുർവേദ ഹോസ്പിറ്റൽ മാനേജ്മെന്റ് അസോസിയേഷന്റെ നേതൃത്വത്തിൽ ആരോഗ്യ ജാഗ്രതാസമിതി രൂപീകരിച്ചു. മുളക്കുളം ഗ്രാമപഞ്ചായത്ത് പ്രസിഡന്റ് വാസുദേവൻനായർ, ആരോഗ്യകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ അനുമോൾ, ആയുർവേദ ഹോസ്പിറ്റൽ മാനേജ്മെന്റ് അസോസിയേഷൻ ജില്ലാ സെക്രട്ടറി ഡോ. ബിനു സി. നായർ, ഡോ.സ്മിതാ ജി. പണിക്കർ, റോട്ടറി ക്ലബ് സെക്രട്ടറി സോമശേഖരൻ നായർ, സൗഹൃദ ചാരിറ്റബിൾ സൊസൈറ്റി പ്രസിഡന്റ് ടി.എം. സദൻ എന്നിവർ അംഗങ്ങളായി ചുമതലയേറ്റു. കൊവിഡ് പ്രതിരോധത്തിലും ചികിത്സയിലും പുനരധിവാസത്തിനുമുള്ള സർക്കാർ ആയുർവേദ വകുപ്പിന്റെ പദ്ധതികളെക്കുറിച്ച് ഡോ.സ്മിത.ജി. പണിക്കർ വിശദീകരിച്ചു. ഔഷധങ്ങൾ ആവശ്യക്കാരിലേക്ക്

എത്തിക്കുന്നതിനുള്ള നടപടികൾ കൈക്കൊള്ളുമെന്ന് പഞ്ചായത്ത് പ്രസിഡന്റ് അറിയിച്ചു. സേവനങ്ങൾക്കായി വിളിക്കേണ്ട നമ്പറുകൾ : 04829 252838, 9446045305.