പറവൂർ: വാക്സിൻ ചലഞ്ചിന്റെ ഭാഗമായി മുഖ്യമന്ത്രിയുടെ ദുരിതാശ്വസ ഫണ്ടിലേക്ക് പള്ളിയാക്കൽ സർവീസ് സഹകരണ ബാങ്ക് വിഹിതമായ അഞ്ച് ലക്ഷം നൽകി. ഭരണസമിതി അംഗങ്ങളുടെയും ജീവനക്കാരുടെയും വിഹിതമായ 79,637 രൂപയുമടക്കം 579637 രൂപയുടെ ചെക്ക് ബാങ്ക് പ്രസിഡന്റ് എം.എസ്. ജയചന്ദ്രനിൽനിന്ന് മുൻ മന്ത്രി എസ്. ശർമ്മ ഏറ്റുവാങ്ങി. ഭരണസമിതി അംഗങ്ങളായ എം.ബി. ചന്ദ്രബോസ്, എം.ഡി. ജോസഫ്, എ.സി. രേണുക എന്നിവർ പങ്കെടുത്തു.