കൊച്ചി: ചെല്ലാനം മുതൽ ഫോർട്ട് കൊച്ചി വരെയുള്ള തീരപ്രദേശം, ഒറ്റമശേരി, എറണാകുളം, ആലപ്പുഴ, തിരുവനന്തപുരത്ത് വലിയതുറ മുതൽ ശംഖുമുഖം വരെയും, പൊഴിയൂർ ഭാഗത്തും, കൊല്ലം ജില്ലകളിലെ തീരപ്രദേശങ്ങളും, കടൽക്കയറ്റം മൂലം അതീവ പ്രതിസന്ധിയിലാണെന്നും അടിയന്തര നടപടികൾ ഉണ്ടാകണമെന്നും ആവശ്യപ്പെട്ട് മുഖ്യമന്ത്രിക്കും ചീഫ് സെക്രട്ടറിക്കും അടിയന്തര സന്ദേശം അയച്ചതായി കെ.എൽ.സി.എ അറിയിച്ചു.

ചെല്ലാനം പഞ്ചായത്തിൽ കടലാക്രമണ പ്രതിരോധ പ്രവർത്തനങ്ങൾക്ക് തുക വകയിരുത്തിയെങ്കിലും പ്രവർത്തനങ്ങൾ ആരംഭിച്ചിട്ടില്ല. ഒറ്റമശ്ശേരി മുതലായ തീരപ്രദേശങ്ങളിലും സുരക്ഷാ നടപടികൾ ആയിട്ടില്ല. കൊവിഡ് വ്യാപകമായ പശ്ചാത്തലത്തിൽ അടിയന്തര നടപടികൾ ഉണ്ടാകണം. ഇക്കാര്യങ്ങളിൽ യുദ്ധകാലാടിസ്ഥാനത്തിൽ നടപടികൾ ഉണ്ടാകണമെന്നും കെ.എൽ.സി.എ സംസ്ഥാന പ്രസിഡന്റ് ആന്റണി നൊറോണ, ജനറൽസെക്രട്ടറി അഡ്വ.ഷെറി ജെ.തോമസ്, തീരമേഖല ചുമതലയുള്ള വൈസ് പ്രസിഡന്റ് ടി.എ.ഡാൽഫിൻ, സംസ്ഥാന മാനേജിംഗ് കൗൺസിൽ അംഗം ജയൻ കുന്നേൽ എന്നിവർ ആവശ്യപ്പെട്ടു.