 പള്ളുരുത്തി​ സ്മൃതി​വനം നാശാവസ്ഥയി​ൽ

പള്ളുരുത്തി: കൊച്ചി കോർപ്പറേഷന്റെ ഏറ്റവും വി​സ്തൃതമായ പൊതുശ്മശാനങ്ങളി​ലൊന്നായ പള്ളുരുത്തി​ സ്മൃതി​വനം നാശാവസ്ഥയി​ൽ. കൊവിഡ് രണ്ടാം തരംഗത്തി​ൽ മൃതദേഹങ്ങൾ കൂടുതലെത്തി​യപ്പോഴാണ് ഇതി​ന്റെ ദുരവസ്ഥ കൂടുതൽ പ്രകടമായത്. കഴിഞ്ഞ ദിവസങ്ങളിൽ പെയ്ത ശക്തിയായ മഴയിൽ ശ്മശാനവും പരിസരവും വെള്ളത്തിൽ മുങ്ങി. മൃതദേഹം അകത്തേക്ക് കൊണ്ടുപോകാൻ ബന്ധുക്കൾ നന്നേ പാട് പെട്ടു.

ഇപ്പോഴും വിറകിലാണ് ഇവിടെ മൃതദേഹം ദഹിപ്പിക്കുന്നത്. രണ്ട് വിറക് ചൂളയും രണ്ട് ഗ്യാസ് ചൂളയുമുണ്ടായി​രുന്നെങ്കി​ലും ഇപ്പോൾ ഒരു ചൂള മാത്രമാണ് പ്രവർത്തി​ക്കുന്നത്. ഗ്യാസ് ചൂളകൾ പണ്ടേ പ്രവർത്തനരഹിതമായി​. പള്ളുരുത്തി, ഇടക്കൊച്ചി, തോപ്പുംപടി, കളത്തറ, കുമ്പളങ്ങി തുടങ്ങിയ സ്ഥലങ്ങളിൽ നി​ന്നാണ് ഇവി​ടെ മൃതദേഹങ്ങൾ എത്തുന്നത്.

കൊച്ചി​ കോർപ്പറേഷന്റെ അധീനതയി​ലെ ഒരേക്കർ വളപ്പി​ലെ ശ്മശാനം സി​.എം.ദി​നേശ് മണി​ മേയറായി​രുന്ന കാലത്ത് ലക്ഷങ്ങൾ മുടക്കി​ നവീകരി​ച്ചതാണ്. പിന്നീട് ടോണി ചമ്മിണി മേയറായപ്പോൾ ഗ്യാസ് ചൂളയും പ്രവർത്തന സജ്ജമാക്കി. പക്ഷേ പരി​പാലനമില്ലാതെ നശി​ച്ചുപോവുകയായി​രുന്നു. പുകക്കുഴലി​ന്റെ തകരാറുകൊണ്ടാകണം മൃതദേഹം ദഹി​പ്പി​ക്കുമ്പോഴുള്ള ഗന്ധം പരി​സരത്ത് വ്യാപി​ക്കാറുണ്ടെന്നും പരാതി​യുണ്ട്.

അടുത്തിടെ വരെ ശ്മശാനം വളപ്പി​ൽ ബാഡ്മി​ന്റൺ​ കോർട്ടുമുണ്ടായിരുന്നു. രാത്രി​യായാൽ സാമൂഹ്യവി​രുദ്ധരുടെ താവളം കൂടി​യാണ് ഇവി​ടം.

 സ്മൃതി​ വനത്തി​ലെ ഗ്യാസ് ചൂള നന്നാക്കാൻ കരാർ നൽകി. പരി​സരം ഇയിടെ വൃത്തി​യാക്കി​യതാണ്. ബാഡ്മിന്റൺ കളി ഇപ്പോഴില്ല.

സോണി ഫ്രാൻസിസ്

ഡിവിഷൻ കൗൺസിലർ

 സ്മൃതിവനത്തി​ലെ ഗ്യാസ് ചൂളകൾ ഉടനെ നന്നാക്കണം. പുകക്കുഴലി​ന്റെ ഉയരം കൂട്ടണം. ശവസംസ്കാരത്തിന് മതിയായ അളവിൽ വിറകും മറ്റും ഉപയോഗിക്കുന്നുണ്ടെന്ന് ഉറപ്പാക്കണം. കോർപ്പറേഷൻ ശ്മശാനം നേരിട്ട് നടത്തണം.

സി.ജി.പ്രതാപൻ

ശ്രീ നാരായണ സാംസ്ക്കാരിക യോജന സംഘം