മൂവാറ്റുപുഴ: ഇടുക്കി എം.പി ഡീൻ കുര്യാക്കോസ് ചെയർമാൻ ആയിട്ടുള്ള ഇടുക്കി കെയർ ഫൗണ്ടേഷന്റെ ആഭിമുഖ്യത്തിൽ കഴിഞ്ഞ വർഷം ആയവനയിൽ ആരംഭിച്ച മരച്ചീനികൃഷി ഇന്ന് കൊവിഡ് രോഗികൾക്ക് ആശ്വാസം ആവുകയാണ്. ആയവനയിലെ യൂത്ത് കോൺഗ്രസ് പ്രവർത്തകരാണ് കൃഷിക്ക് നേതൃത്വം കൊടുത്തത്. വിളവെടുത്ത കപ്പ അർഹരായ കൊവിഡ് ബാധിച്ച ആളുകളുടെ വീട്ടിൽ എത്തിക്കുകയാണ്ഇപ്പോൾ ഇവർ. ഇടുക്കി കെയർ ഫൗണ്ടേഷൻ ആയവന മണ്ഡലം കൺവീനർ ജെയിംസ് എൻ. ജോഷിയുടെ അധ്യക്ഷതയിൽ ഇടുക്കി എം.പി ഡീൻ കുര്യാക്കോസ് വിളവെടുപ്പ് നടത്തി ഉദ്ഘാടനം നിർവഹിച്ചു. യൂത്ത് കോൺഗ്രസ് പ്രവർത്തകനായ അജയ് ചാക്കോച്ചൻ സൗജന്യമായി നൽകിയ കൃഷിയിടത്തിലാണ് അവർ കൃഷി ഇറക്കിയത്. കോൺഗ്രസ് യൂത്ത് കോൺഗ്രസ് നേതാക്കളായ സമീർ കോണിക്കൽ,സുഭാഷ് കടയ്ക്കോട്, ജീമോൻ പോൾ, മേഴ്‌സി ജോർജ്. രമ്യ പി ആർ, ജോജോ ജോസഫ്, സുബിൻ ജോസ്, താരിഖ് അസീസ്, ആന്റണി വിൻസെന്റ് തുടങ്ങിയവർ സന്നിഹിതരായിരുന്നു.