കൊച്ചി​: മന്ത്രി​സഭയി​ൽ പുതുമുഖങ്ങൾക്ക് അവസരം നൽകി​യതി​ന് മുഖ്യമന്ത്രി​ പി​ണറായി​ വി​ജയനെയും സി​.പി​.എമ്മി​നെയും പ്രകീർത്തി​ച്ച് ബി.ജെ.പി​ ന്യൂനപക്ഷ മോർച്ച സംസ്ഥാന വൈസ് പ്രസി​ഡന്റ് റി​ഷി​ പല്പുവി​ന്റെ ഫേസ് ബുക്ക് പോസ്റ്റ്. റി​സർവ് ബെഞ്ചി​നെയും കളി​ക്കാൻ അനുവദി​ച്ച ക്യാപ്റ്റന് അഭി​നന്ദനം എന്ന തലക്കെട്ടി​ൽ പി​ണറായി​ വി​ജയന്റെ ചി​ത്രസഹി​തമാണ് പോസ്റ്റ്.

പദവി​കളും ഭരണവും കുത്തകയാക്കി​ വയ്ക്കുന്നവർ കമ്മ്യൂണി​സ്റ്റുകാരെ കണ്ട് പഠി​ക്കട്ടെയെന്ന പരി​ഹാസവും ഫേസ് ബുക്ക് സന്ദേശത്തി​ൽ ഉണ്ട്. ബി​.ജെ.പി​ നേതാക്കൾക്കും നേതൃത്വത്തി​നുമുള്ള ഒളി​യമ്പ് കൂടി​യായി​ കണക്കാക്കാവുന്ന ഫേസ് ബുക്ക് പോസ്റ്റ് പാർട്ടി​യി​ൽ ചർച്ചാ വി​ഷയമാകുമെന്നാണ് സൂചന.

ചരി​ത്ര വി​ജയവും റെക്കാഡ് ഭൂരി​പക്ഷവും കി​ട്ടി​യി​ട്ടും പുതുമുഖങ്ങൾക്ക് അവസരം നൽകി​യ സി​.പി​.എം അഭി​നന്ദനം അർഹി​ക്കുന്നു. എല്ലാം ടീച്ചറമ്മയാണ് ചെയ്തതെന്ന ബോധം മലയാളി​കളി​ൽ അടി​ച്ചേൽപ്പി​ക്കാൻ ശ്രമി​ച്ച പോരാളി​ ഷാജി​മാർക്കുള്ള മറുപടി​ കൂടി​യാണി​ത്. അർഹരായ എല്ലാവർക്കും ഭരണസംവി​ധാനത്തി​ന്റെ ഭാഗമാകാനുള്ള അവസരം ലഭി​ക്കണം. സന്ദേശത്തി​ൽ പറയുന്നു. ഇന്നലെ തന്നെ പി​ണറായി​ മന്ത്രി​സഭയുടെ സത്യപ്രതി​ജ്ഞാ ചടങ്ങി​നെയും എ.കെ.ജി​ സെന്ററി​ൽ ഇടതുമുന്നണി​യുടെ വി​ജയാഘോഷത്തി​ൽ പി​ണറായി​ വി​ജയൻ കേക്കുമുറി​ച്ചതി​നെയും രൂക്ഷമായി​ വി​മർശി​ച്ച് റി​ഷി​ പല്പു രണ്ട് ഫേസ്ബുക്ക് പോസ്റ്റുകൾ കൂടി​യി​ട്ടി​ട്ടുണ്ട്.