തൃക്കാക്കര: തൃക്കാക്കര നഗരസഭയിലെ ശുചീകരണ തൊഴിലാളികൾ കൊവിഡ് പ്രതിരോധ പ്രവർത്തനങ്ങൾക്ക് സംഭാവന നൽകി.തങ്ങളുടെ ശമ്പളത്തിന്റെ ഒരുവിഹിതമാണ് സംഭാവനയായി നൽകിയത്.അനിൽകുമാർ, അബ്ദുൾജബ്ബാർ എന്നിവരുടെ നേതൃത്വത്തിൽ 5000 രൂപയുടെ ചെക്ക് ചെയർപേഴ്സൺ അജിതാ തങ്കപ്പന് കൈമാറി. ആരോഗ്യ കാര്യ സ്റ്റാൻഡിംഗ് കമ്മിറ്റി ചെയർ മാൻ,റാഷിദ് ഉള്ളംപള്ളി, ജൂനിയർ ഹെൽത്ത് ഇൻസ്‌പെക്ടർ സജികുമാർ, കൗൺസിലർമാരായ സി.സി വിജു,ഉണ്ണി കാക്കനാട്,സൈമൺ,ഷാന അബ്ദു തുടങ്ങിയവർ സംബന്ധിച്ചു.