കൊച്ചി: കൊവിഡ് ആശുപത്രിയായ കളമശേരി മെഡിക്കൽ കോളേജിലേക്ക് ഒരു ലക്ഷം രൂപയുടെ മരുന്നുകൾ സംഭാവന ചെയ്തു. വ്യവസായിയായ കാലടി സ്വദേശി സജീവ് മുണ്ടേത്ത് മെഡിക്കൽ കോളേജ് ആർ.എം.ഒ ഡോ.ഗണേഷ് മോഹന് മരുന്നുകൾ കൈമാറി. കൊവിഡ് ബാധിച്ചു ഐ.സി.യുവിൽ കിടക്കുന്ന രോഗികൾക്ക് നൽകുന്നതിനായുള്ള ഒരു ലക്ഷം രൂപയുടെ 85 വയൽ മീതൈൽ പ്രെഡ്‌നിസോളോനാണ് സംഭാവന ചെയ്തത്. മെഡിക്കൽ കോളേജ് ഫാർമസി സ്റ്റോർ കീപ്പർ യു.കെ. മനു പങ്കെടുത്തു.