കൊച്ചി : ദുരന്തനിവാരണ നിയമ പ്രകാരം മോട്ടോർ വാഹന വകുപ്പ് പിടിച്ചെടുത്ത 3 ടാങ്കർ ലോറികളിൽ ഒന്ന് ജാർഖണ്ഡിൽ നിന്ന് ദ്രവീകൃത ഓക്‌സിജനുമായി കൊച്ചിയിൽ തിരിച്ചെത്തി. ജാർഖണ്ഡിലെ ബേൺപൂരിലുള്ള ടാറ്റാ സ്റ്റീൽ പ്ലാന്റിൽ നിന്നുമാണ് ടാങ്കർ നി​റച്ചത്.

കോയമ്പത്തൂരിൽ നിന്ന് വിമാനമാർഗം ടാങ്കറുകൾ ബേൺപൂരിൽ എത്തിക്കുകയായി​രുന്നു.

17 ന് പുലർച്ചെ 2 ന് പുറപ്പെട്ട ടാങ്കർ കൊച്ചിൻ ഷിപ്പിയാർഡിന്റെ കൊച്ചിൻ എയർ പ്രൊഡക്‌ട്സിൽ ഇന്നലെ രാവിലെ 7.30 ന് എത്തി​. ജാർഖണ്ഡ്, പശ്ചിമ ബംഗാൾ, ഒഡീഷ, ആന്ധ്രാപ്രദേശ്, തമിഴ്‌നാട് എന്നീ സംസ്ഥാനങ്ങളിലൂടെ 2400 ഓളം കിലോമീറ്റർ ലോറി​ സഞ്ചരിച്ചു. ഇതി​നി​ടെ ആന്ധ്രയിലെ ശ്രീകാകുളത്തു വച്ചു വാഹനം കേടായെങ്കി​ലും ടാറ്റാ ഡീലർഷിപ് മുഖേന തകരാറുകൾ പരിഹരിച്ച് 8 മണിക്കൂറിനകം യാത്ര പുനരാരംഭിച്ചു.

പ്രത്യേക പരിശീലനം ലഭിച്ച 3 കെ.എസ്.ആർ.ടി.സി ഡ്രൈവർമാരും, ഒരു അസിസ്റ്റന്റ് മോട്ടോർ വെഹിക്കിൾസ് ഇൻസ്‌പെക്ടറുമാണ് ടാങ്കറുകളുമായി ജാർഖണ്ഡിലേക്ക് പോയത്.

14 നു നെടുമ്പാശേരിയിൽ നിന്നും വിമാന മാർഗം കൊണ്ടുപോകാൻ തീരുമാനിച്ച ടാങ്കറുകൾ പ്രതികൂല കാലാവസ്ഥമൂലം 15 ന് രാവിലെ വായുസേനയുടെ കോയമ്പത്തൂർ എയർപോർട്ടിൽ നിന്ന് കയറ്റി​വി​ടുകയായി​രുന്നു.

കഴിഞ്ഞ 8 നാണ് ദുരന്തനിവാരണ നിയമപ്രകാരം കൊച്ചിയിലെ സ്വകാര്യ ഏജൻസിയിൽ നിന്ന് 3 ടാങ്കറുകൾ മോട്ടോർ വാഹനവകുപ്പ് ഉദ്യോഗസ്ഥർ പിടിച്ചെടുത്തത്.