കൊച്ചി: കൊവി​ഡ് വാക്‌സിനേഷന് വേണ്ടി​ ജനപ്രതിനിധികൾ ഉൾപ്പെട്ട സമിതിക്ക് ടോക്കൺ നൽകുന്നത് നി​റുത്തി​. നാളെ മുതൽ ഇനി​ ഓൺ​ലൈൻ രജി​സ്ട്രേഷനി​ലൂടെ മാത്രമാകും വാക്സി​നേഷൻ. ആശാ വർക്കമാർ, ഹെൽത്ത് വർക്കർ, ആരോഗ്യ വകുപ്പിന്റെ ഫീൽഡ് സ്റ്റാഫ് എന്നിവരും ഒപ്പം അതതു വാർഡുകളിലെയോ ഡിവിഷനുകളിലെയോ ജനപ്രതിനിധി എന്നിവരുൾപ്പെട്ട സമിതിക്കായിരുന്നു നിശ്ചിത എണ്ണം ടോക്കണുകൾ നൽകിയിരുന്നത്.

പരാതി​കൾ ഉയർന്നതി​നെ തുടർന്നാണ് ഈ തീരുമാനം.