കോതമംഗലം: എന്റെ നാട് ടാസ്ക്ക് ഫോഴ്സിന്റെ നേതൃത്വത്തിൽ കോതമംഗലം മുനിസിപ്പാലിറ്റിയിലെ കൊവിഡ് ബാധിതരുടെ വീടുകളിൽ അണുനശീകരണ പ്രവർത്തനങ്ങൾക്ക് തുടക്കമിട്ടു.കൊവിഡ് ബാധിതരായ നിർദ്ധനരായ രോഗികൾക്ക് ഭക്ഷ്യകിറ്റ്,വിറ്റാമിൻ ഗുളികകൾ,പ്രതിരോധ ഹോമിയോ ഗുളികകൾ എന്നിവ വിതരണം ചെയ്തു.ചെയർമാൻ ഷിബു തെക്കുംപുറം ഉദ്ഘാടനം നിർവഹിച്ചു.നീണ്ടപാറ ക്ഷീരോൽപ്പാദക സംഘത്തിലേക്ക് സൗജന്യമായി ഓക്സിമീറ്റർ ബെന്നി പി.കെയ്ക്ക് നൽകി.സി.കെ സത്യൻ,ജോഷി പൊട്ടക്കൽ എന്നിവർ നേതൃത്വം നൽകി.