കളമശേരി: ഗവ.മെഡിക്കൽ കോളേജിനുള്ള 25 ഓക്സിജൻ കോൺസെൻട്രേറ്ററുകൾ ഹിൻഡാൽകോ ഇൻഡസ്ട്രീസ് ലിമിറ്റഡ് വ്യവസായ - നിയമ വകുപ്പ് മന്ത്രി പി.രാജീവിന് കൈമാറി. ഹിൻഡാൽകോ ഇൻഡസ്ട്രീസ് ലിമിറ്റഡ് ഓപ്പറേഷൻസ് സീനിയർ പ്രസിഡന്റ് ബി. അരുൺകുമാറാണ് മന്ത്രിക്ക് ഉപകരണങ്ങൾ കൈമാറിയത് .
മെഡിക്കൽ കോളേജ് അഡ്മിനിസ്ട്രേറ്റീവ് ബ്ലോക്കിൽ നടന്ന ചടങ്ങിൽ ജില്ലാ കളക്ടർ എസ്. സുഹാസ് , ഹിൻഡാൽകോ ഇൻഡസ്ട്രീസ് ലിമിറ്റഡ് എച്ച്.ആർ ഹെഡ് പി .വി .മനോജ്, അലൂമിനിയം ഫാക്ടറീസ് വർക്കേഴ്സ് യൂണിയൻ പ്രസിഡന്റ് കെ .എൻ. ഗോപിനാഥ് , സെക്രട്ടറി അഡ്വ.മുജീബ് റഹ്‌മാൻ, ഏലൂർ നഗരസഭാ അദ്ധ്യക്ഷൻ എ .ഡി .സുജിൽ, മെഡിക്കൽ കോളേജ് പ്രിൻസിപ്പൽ ഡോ. ഫത്താഹുദ്ധീൻ, സൂപ്രണ്ട് ഡോ. ഗീത നായർ , ആർ. എം. ഒ .ഡോ ഗണേഷ് മോഹൻ എന്നിവർ പങ്കെടുത്തു.