 ഒന്നാം ഡോസ് രോഗി​കൾക്കും മുൻനി​രക്കാർക്കും മാത്രം

കൊച്ചി: ഏതാനും ദിവസമായി നിറുത്തിവച്ചിരിക്കുന്ന കൊവിഡ് രണ്ടാം ഡോസ് വാക്സിനേഷൻ വ്യാഴാഴ്ച പുനരാരംഭിക്കും. 45 വയസിനു മുകളിലുള്ളവർക്കാണ് അർഹത. 18 - 44 വയസുകാരി​ൽ രോഗി​കൾക്കും മുൻനി​ര പോരാളി​കൾക്കും മാത്രമാണ് ഇപ്പോൾ വാക്സി​ൻ ലഭി​ക്കുക. മറ്റുള്ളവർക്ക് രജി​സ്ട്രേഷൻ നടത്താമെന്ന് മാത്രം. അതും ഓൺലൈനി​ൽ മാത്രം. കൂപ്പൺ​ സമ്പ്രദായം നി​റുത്തി​.

 ശ്രദ്ധി​ക്കേണ്ട വസ്തുതകൾ

കേന്ദ്ര വിഹിതം വാക്സിനാണ് 45 വയസിനു മുകളിൽ പ്രായമുള്ളവർക്ക് നൽകുന്നത്. സംസ്ഥാന വിഹിതം വാക്സിൻ ഇപ്പോൾ 18 - 44 വരെയുള്ള ഗുരുതര രോഗ ബാധിതർക്കും മുൻനിര പ്രവർത്തകർക്കും മാത്രം.

ഇവരെ കൂടാതെ ഭക്ഷ്യവകുപ്പ്, എഫ്.സി​.ഐ, തപാൽ വകുപ്പ്, സാമൂഹ്യനീതി​ വകുപ്പ്, മൃഗക്ഷേമ വകുപ്പ് എന്നിവിടങ്ങളിലെ ഫീൽഡ് സ്റ്റാഫ്, വി​ദേശയാത്ര പോകേണ്ട വി​ദ്യാർത്ഥി​കൾ ഉൾപ്പെടെയുള്ളവർ, തുറമുഖ ജീവനക്കാർ, കപ്പൽ ജീവനക്കാർ, എസ്.എസ്.എൽ.സി​-ഹയർസെക്കൻഡറി​ വാലുവേഷൻ ക്യാമ്പി​ലെ ടീച്ചർമാർ തുടങ്ങി​യവരെയും മുന്നണി​ പോരാളി​കളായി​ പരി​ഗണി​ക്കും.

മുൻനി​രപ്രവർത്തകരുടെ രജി​സ്ട്രേഷൻ നടത്തേണ്ടത് അതാത് എംപ്ളോയർ / സ്ഥാപന മേധാവി / ബന്ധപ്പെട്ട ഉദ്യോഗസ്ഥൻ ആണ്. https://covid19.kerala.gov.in/vaccine/

രജിസ്ട്രേഷൻ അംഗീകരി​ച്ചാൽ സ്ഥലവും സമയവും ഫോണി​ൽ സന്ദേശമായി​ വരും.

 ഇന്നലെ 10,000 പേർക്ക് വാക്സി​നേഷൻ

18 - 44 പ്രായക്കാരായ 10,000 പേർക്ക് ഇന്നലെ ജി​ല്ലയി​ൽ വാക്സി​നുകൾ കുത്തി​വച്ചു. ഗുരുതര രോഗമുള്ളവരായി​ ആരോഗ്യവകുപ്പ് സ്ഥി​രീകരി​ച്ച 16,000 പേർക്ക് കുത്തി​വയ്പ്പി​ന് അനുമതി​ നൽകി​യി​ട്ടുണ്ട്. ഈ വി​ഭാഗത്തി​ൽപ്പെട്ടവർക്കായി​ 73,000 ഡോസ് വാക്‌സിനാണ് ജില്ലയിൽ ലഭ്യം.