കൊച്ചി:കണ്ടാൽ ഇത്തിരിക്കുഞ്ഞൻ. പക്ഷേ, കൈയിലിരിപ്പ് ആരുടേയും ഗ്ലാമർ തകർക്കും. ഒപ്പം ബ്ലാക്ക് ഫംഗസ് പേടിയും സമ്മാനിക്കും. കുഞ്ഞൻ ഷഡ്പദമായ ബ്ളി​സ്റ്റ‌ർ ബീറ്റി​ൽ കൊവിഡ് കാലത്ത് കൊച്ചിയിൽ അരങ്ങ് തക‌ർക്കുകയാണ്. ഈ കുഞ്ഞുവില്ലൻ മനുഷ്യശരീരത്തിൽ സ്പർശിച്ചാൽ മതി സംഗതി കുഴപ്പത്തിലാകും. സ്പർശിക്കുന്ന ഭാഗത്ത് ചൊറിച്ചിലാണ് ആദ്യം. പി​ന്നെ വീർത്തു പൊങ്ങും. തൊട്ടടുത്ത ദിവസങ്ങളിൽ ഇവിടം കറുത്തുവരികയും ചെയ്യും. ഈ ലോക്ക്ഡൗണിൽ തൃക്കാക്കരയിൽ മാത്രം അറുപതി​ലധി​കം പേർക്ക് ഈ പ്രാണിയിൽ നിന്നും പണികിട്ടി. കഴിഞ്ഞ വ‌ർഷം ചികിത്സ തേടിയത് 200ലധികം പേരാണ്.

പീഡുറസ് ഡർമിറ്റൈറ്റിസ്

ബ്ലിസ്റ്റർ ബീറ്റി​ൽ വിഭാഗത്തിൽപ്പെടുന്ന ഷ‌ഡ്പദങ്ങൾ മൂലം ത്വക്കിന് ഉണ്ടാകുന്ന അലർജിയാണ് പീഡുറസ് ‌ഡ‌ർ‌മ്മിറ്റൽ. രാത്രി​കളി​ൽ വെളിച്ചത്താൽ ആകർഷി​ക്കപ്പെട്ടാണ് ഇവ വീടുകളിലെത്തുന്നത്. പറന്ന് ദേഹത്ത് വന്നിരിക്കും. ശരീരം അനങ്ങുമ്പോൾ ഇവ പേടിച്ച് പുറത്തുവി​ടുന്ന ആസി​ഡിന് സമാനമായ സ്രവമാണ് അലർജിക്ക് കാരണം. വലി​യ പ്രശ്നമുള്ള കേസല്ലെങ്കി​ലും ത്വക്ക് കറുത്തവരുന്നത് മനുഷ്യനെ വി​ഷമത്തി​ലാക്കും.

ശ്രദ്ധിക്കാം

1. ജനലും വാതിലും അടച്ചിടുക

2.രാത്രി കിടക്കുന്നതിന് മുമ്പാ ലൈറ്ര് ഓഫാക്കുക

3.കുട്ടികളുടെ മുറിയിൽ സീറോ ബൾബ് ഒഴിവാക്കുക

4.ഫോൺ,ലാപ് എന്നിവ രാത്രി ഉപയോഗം കുറയ്ക്കുക

5.ജനലിൽ നെറ്റ് സ്ഥാപിക്കുക

 തൃക്കാക്കര ഭാഗത്ത് നിന്ന് നിരവധി പേർ ചികിത്സതേടിയിരുന്നു. ഇത് ബ്ലാക്ക് ഫംഗസല്ല. പ്രാണി മൂലം ഉണ്ടാകുന്ന അലർജിയാണ്. പേടി​ക്കേണ്ട കാര്യമേയി​ല്ല. ചികിത്സ തേടി സുഖപ്പെടുത്താം.

ഡോ.ജോസ് ചാലിശേരി

ത്വക്ക് രോഗവിദഗ്ദ്ധൻ