പിറവം: പിറവം നഗരസഭയിൽ മഴക്കാലപൂർവ ശുചീകരണവും തെരുവോരത്ത് തിരുവോണ പച്ചക്കറി പദ്ധതിയും ആരംഭിച്ചു. ശുചീകരണ പ്രവർത്തനങ്ങളുടെ നഗരസഭാതല ഉദ്ഘാടനം ചെയർപേഴ്സൺ ഏലിയാമ്മ ഫിലിപ്പ് നിർവഹിച്ചു. വൈസ് ചെയർമാൻ കെ.പി.സലിം, സ്ഥിരം സമിതി അദ്ധ്യക്ഷൻ അഡ്വ.ബിമൽ ചന്ദ്രൻ, കൗൺസിലർ സജ്ജിനി പ്രദീഷ്, ജൂനിയർ ഹെൽത്ത് ഇൻസ്പെക്ടർ ഉമേഷ് എൻ.എസ്, ധൻരാജ് എം.എൻ, ആർ.ആർ.ടി അംഗങ്ങൾ എന്നിവർ പങ്കെടുത്തു. നാട്ടിലുള്ള ഓടകളിൽ നിന്നും തരിശായിക്കിടക്കുന്ന ഫലഭൂയിഷ്ഠമായ സ്ഥലങ്ങളിൽ നിന്നും മണ്ണെടുത്ത് ഗ്രോ ബാഗുകളിൽ നിറച്ച് പച്ചക്കറികൾ നടുകയാണ് ലക്ഷ്യം.