കൊച്ചി: വൈസ്‌മെൻ ഇന്റർനാഷണലിന്റെ കൊവിഡ് പ്രതിരോധ പ്രോജക്ടായ 'ഹീൽ ദി വേൾഡ്' മിഡ് വെസ്റ്റ് ഇന്ത്യ റീജിയണിലെ ഡിസ്ട്രിക്ട്- 2 ഒന്നാംഘട്ട പ്രവർത്തനം ഹൈബി ഈഡൻ എം. പി ഉദ്ഘാടനം ചെയ്തു. ഇറക്കുമതി ചെയ്ത മെഡിക്കൽ ഓക്‌സിജൻ കോൺസൻട്രേറ്റർ, ജില്ല മെഡിക്കൽ ഓഫീസർ ഡോ. എൻ.കെ. കുട്ടപ്പന് നൽകിയാണ് പ്രവർത്തനങ്ങൾക്ക് തുടക്കം കുറിച്ചത്. വൈസ്‌മെൻ ഡിസ്ട്രിക്ട് ഗവർണർ പ്രദീപ്, റീജിയണൽ ഡയറക്ടർ മാത്യൂസ് എബ്രഹാം, റീജിയണൽ ട്രഷറർ ശിവരാജൻ, നിയുക്ത ഡിസ്ട്രിക്ട് ഗവർണർ ജയ്.എൻ. ജോൺ, ഡിസ്ട്രിക്ട് സെക്രട്ടറി ബാബു ഡേവിഡ് എന്നിവർ പങ്കെടുത്തു.