കോലഞ്ചേരി: കൊവിഡ് രോഗികൾക്കായി സ്റ്റുഡന്റ്സ് പൊലീസ് കേഡറ്റുകൾ ഭക്ഷണപൊതികൾ നൽകി. കടയിരുപ്പ് ഗവൺമെന്റ് ഹയർ സെക്കൻഡറി സ്കൂളിലെ യൂണി​റ്റിന്റെ ഒരു 'വയറൂട്ടാം' പദ്ധതിയുടെ ഭാഗമായി കുട്ടികൾ വീടുകളിൽ നിന്ന് തയ്യാറാക്കി കൊണ്ടു വന്ന ഭക്ഷണ പൊതികളാണ് രോഗികൾക്ക് നൽകുന്നത്. വിതരണോദ്ഘാടനം പുത്തൻകുരിശ് പൊലീസ് ഇൻസ്പെക്ടർ യു.രാജീവ് കുമാർ നിർവഹിച്ചു. ഐക്കരനാട് പഞ്ചായത്ത് പ്രസിഡന്റ് ഡീന ദീപക് ഏ​റ്റുവാങ്ങി. വൈസ് പ്രസിഡന്റ് ലൗലി ലൂയീസ്, എ.എസ്.ഐ പി.എസ്. കുര്യാക്കോസ്, പി.ടി.എ പ്രസിഡന്റ് എം.കെ മനോജ്, എൻ.സിനി, ജീമോൻ കടയിരുപ്പ്, കമ്മ്യൂണി​റ്റി പൊലീസ് ഓഫീസർമാരായ എ.ആർ. അജു, ജിതിഷ രാജ് തുടങ്ങിയവർ സംസാരിച്ചു.