കോതമംഗലം: കുട്ടമ്പുഴ റേഞ്ച് എക്സൈസ് ഇൻസ്പെക്ടർ പി.രമേശിന്റെ നേതൃത്വത്തിലുള്ള സംഘവും എറണാകുളം എക്സൈസ് ഇൻറലിജൻസും സംയുക്തമായി കുട്ടമ്പുഴ റേഞ്ചിന്റെ വിവിധ കേന്ദ്രങ്ങളിൽ നടത്തിയ മിന്നൽ പരിശോധനയിൽ നാടുകാണി ഭാഗത്ത് നിന്ന് 3 ലിറ്റർ ചാരായവും വാറ്റുപകരണങ്ങളും കണ്ടെടുത്തു. നാടുകാണി സ്വദേശികളായ ബിനോയി(40), ഷിബു (49) എന്നിവർക്കെതിരെ കേസെടുത്തു.

പാലമറ്റം ചീക്കോട് വനത്തിനുള്ളിൽ പ്രവർത്തിച്ചിരുന്ന വാറ്റ് കേന്ദ്രം കണ്ടെത്തി. 390 ലിറ്റർ വാഷ് നശിപ്പിച്ചു.

പ്രിവന്റീവ് ഓഫീസർമാരായ സാജൻ പോൾ, എൻ.എ. മനോജ് (ഇൻറലിജൻസ് ബ്യൂറോ എറണാകുളം), സിവിൽ എക്സൈസ് ഓഫീസർ ജിജി.എൻ. ജോസഫ്, ജെറിൻ.പി. ജോർജ്ജ്, ശാലു റ്റി.എ എന്നിവരും സംഘത്തിലുണ്ടായിരുന്നു