കൊച്ചി: കൊവിഡ് രോഗവ്യാപനം കൂടുതലുള്ള പ്രദേശങ്ങൾ ഇന്ന് അർദ്ധരാത്രി മുതൽ കണ്ടെയ്ൻമെന്റ് സോണുകളായി പ്രഖ്യാപിക്കും. കൊവിഡ് രോഗസ്ഥിരീകരണ നിരക്ക് 25 ശതമാനത്തിന് മുകളിലുള്ള 35 പഞ്ചായത്തുകൾ, പിറവം മുൻസിപ്പാലിറ്റി, നൂറിലധികം കൊവിഡ് രോഗബാധിതരുള്ള കൊച്ചി കോർപ്പറേഷനിലെ വിവിധ ഡിവിഷനുകൾ എന്നിവയാണ് കണ്ടെയ്‌ന്മെന്റ് സോണുകളാകുന്നത്. ജില്ലാ കളക്ടർ എസ്.സുഹാസിന്റെ അദ്ധ്യക്ഷതയിൽ ചേർന്ന ദുരന്തനിവാരണ അതോറിറ്റി യോഗമാണ് തീരുമാനമെടുത്തത്.

 കണ്ടെയ്‌ന്മെന്റ് സോണുകൾ

ചെല്ലാനം, മാഞ്ഞള്ളൂർ, മുളവുകാട്, എളങ്കുന്നപ്പുഴ, എടവനക്കാട്, ഞാറക്കൽ, എടത്തല, ചേരാനെല്ലൂർ, കുമ്പളങ്ങി, ചെങ്ങമനാട്, ആമ്പല്ലൂർ, കവലങ്ങാട്, പൂതൃക്ക, മലയാറ്റൂർ നീലേശ്വരം, നായരമ്പലം, കടമക്കുടി, ഏഴിക്കര, കീഴ്മാട്, ഒക്കൽ, ശ്രീമൂലനഗരം, വാരപ്പെട്ടി, കുമ്പളം, കോട്ടുവള്ളി, കാഞ്ഞൂർ, പായിപ്ര, കാലടി, വാഴക്കുളം, വെങ്ങോല, വടക്കേക്കര, പുത്തൻവേലിക്കര, ചിറ്റാറ്റുകര, ചോറ്റാനിക്കര, തിരുവാണിയൂർ, കുന്നത്തുനാട്, കുട്ടമ്പുഴ, പഞ്ചായത്തുകളും പിറവം നഗരസഭയും.

 കൊച്ചി കോർപ്പറേഷനിലെ ഡിവിഷനുകൾ .

5, 13, 14, 15, 16, 17, 18, 19, 21, 22, 31, 32, 33, 34, 43, 44, 45, 52, 53, 54, 57, 64, 69, 70, 71.

നിയന്ത്രണങ്ങൾ

അവശ്യസേവന വിഭാഗങ്ങൾ ഒഴികെയുള്ള ആരെയും കണ്ടെയ്‌ന്മെന്റ് സോണുകളിൽ പ്രവേശിക്കാനോ പുറത്തുകടക്കാനോ അനുവദിക്കില്ല. അവശ്യസേവന വിഭാഗങ്ങളിൽ ഉള്ളവർ ബന്ധപ്പെട്ട ഓഫീസിൽ നിന്നുള്ള അനുമതി രേഖയുമായാണ് സഞ്ചരിക്കേണ്ടത്. രോഗബാധ കൂടുതലുള്ള വാർഡുകളിൽ നിയന്ത്രണങ്ങൾ കർശനമാക്കും. മഴക്കാല പൂർവ്വ പ്രവർത്തനങ്ങൾ, അത്യാഹിത വിഭാഗങ്ങളുടെ പ്രവർത്തനങ്ങൾ എന്നിവയ്ക്ക് തടസമില്ല.