പട്ടിമറ്റം: ചെങ്ങര ഗ്രാമോദ്ധാരണ വായനശാലയുടെ കീഴിലുള്ള അക്ഷരസേനയുടെ പ്രവർത്തനോദ്ഘാടനം എം.എൽ.എ അഡ്വ.പി.വി. ശ്രീനിജിൻ നിർവഹിച്ചു. ആരോഗ്യ പ്രവർത്തകർക്ക് പി.പി.ഇകി​റ്റും കൊവിഡ് രോഗികൾക്കും ക്വാറന്റൈനിലുള്ളവർക്കും പഴക്കി​റ്റുകളുടെ വിതരണവും ചെയ്തു. വായനശാലാ പ്രസിഡന്റ് പി.എൻ. സുരേഷ് ബാബു അദ്ധ്യക്ഷനായി. സെക്രട്ടറി കെ.പി. സുനിൽ, മഴുവന്നൂർ പഞ്ചായത്തംഗം ജോർജ് ഇടപ്പരത്തി തുടങ്ങിയവർ സംസാരിച്ചു. മുഖ്യമന്ത്റിയുടെ വാക്‌സിൻ ചലഞ്ചിലേക്ക് 10000 രൂപയുടെ ചെക്ക് എം.എൽ.എക്ക് കൈമാറി.