കിഴക്കമ്പലം: കുന്നത്തുനാട് പഞ്ചായത്ത് 12ാംവാർഡിൽ മഴക്കാലപൂർവ ശുചീകരണത്തിന്റെ ഭാഗമായി സമ്പൂർണ ശുചിത്വ ദിനം ആചരിച്ചു. അഡ്വ. പി.വി. ശ്രീനിജൻ എം.എൽ.എ ഉദ്ഘാടനം ചെയ്തു. വാർഡ് സാനി​റ്റേഷൻ കമ്മിറ്റി, കുടുംബശ്രീ, വാർഡ് വികസന സമിതി, ഐശ്വര്യ വായനശാല

മ​റ്റു സന്നദ്ധ സംഘടനകൾ എന്നിവരുടെ നേതൃത്വത്തിൽ പുത്തേത്ത്മുകൾ,മരങ്ങാട്ട് കോളനി നെല്ലിക്കാമുകൾ കോളനി, പോത്തിനാംപറമ്പ്, അമ്പലപ്പടി ,പെരിങ്ങാല തുടങ്ങി വാർഡിലെ പൊതുയിടങ്ങളിൽ ശുചീകരണം നടത്തി. പഞ്ചായത്തംഗം നിസാർ ഇബ്രാഹിം, ടി.പി. ഷാജഹാൻ, എം.കെ.സാജൻ, പി.പി.രാജൻ, സുന്ദരൻ സഫിയ മുഹമ്മദ് തുടങ്ങിയവർ നേതൃത്വം നൽകി.