രാജാക്കാട്: എല്ലക്കൽ രാജാക്കാട് റോഡിലെ തേക്കിൻകാനം പാറശേരി വളവിൽ ലോറി കുടുങ്ങി. തമിഴ്‌നാട്ടിലെ തേനിയിൽനിന്ന് ചിത്തിരപുരത്തിന് വൈദ്യുതി തൂണുകളുമായി വന്ന ലോറിയാണ് വളവു തിരിയാനാകാതെ കുടുങ്ങിയത്. ബാരിക്കേഡിൽ തട്ടിനിന്ന ലോറി ബാരിക്കേഡ് അഴിച്ചാണ് പിന്നോട്ടെടുത്തത്. രണ്ടു മണിക്കൂറോളം ഇതുവഴിയുള്ള വാഹന ഗതാഗതം തടസപ്പെട്ടു. കൊച്ചുപ്പ് വഴി വാഹനങ്ങൾ തിരിച്ചുവിട്ടുവെങ്കിലും അവിടെ റോഡിന്റെ മണ്ണുപണി നടക്കുന്നതിനാൽ വലിയ വാഹനങ്ങൾ അവിടെ കുടുങ്ങി. ഇന്നലെ ഉച്ചകഴിഞ്ഞ് ഒന്നോടെയാണ് സംഭവം. റോഡ് നിർമാണത്തിലെ അശാസ്ത്രീയതമൂലം വലിയ ഭാരവാഹനങ്ങൾ തേക്കിൻകാനത്തെ വളവുകളിൽ കുടുങ്ങുന്നത് നിത്യസംഭവമായി മാറി.