രാജകുമാരി: കൊവിഡ് 19 പ്രതിരോധ പ്രവർത്തനങ്ങളുടെ ഭാഗമായി രാജകുമാരി പഞ്ചായത്തിലെ സർക്കാർ ഓഫീസുകളിലും പൊതു ഇടങ്ങളിലും ശുചീകരണ പ്രവർത്തനങ്ങൾ നടത്തി. ജനപ്രതിനിധികൾ, പഞ്ചായത്ത് ഉദ്യോഗസ്ഥർ, സന്നദ്ധ സേന പ്രവർത്തകർ, ആരോഗ്യ പ്രവർത്തകർ എന്നിവരുടെ നേതൃത്വത്തിലാണ് ശുചീകരണ പ്രവർത്തനങ്ങൾ സംഘടിപ്പിച്ചത്.
പഞ്ചായത്ത് ഓഫീസ്, ഘടക സ്ഥാപനങ്ങൾ, പഞ്ചായത്തിലെ പ്രധാന കവലകൾ, ബസ് സ്റ്റോപ്പ്, പൊതുസ്ഥലങ്ങൾ എന്നിവിടങ്ങൾ ശുചീകരിച്ച് അണുവിമുക്തമാക്കി. പ്രതിരോധ പ്രവർത്തനങ്ങൾ ഏകോപിപ്പിക്കുന്നതിനും പൊതുജന സഹായത്തിനുമായി ഗ്രാമപഞ്ചായത്ത് കാര്യാലയത്തിൽ 24 മണിക്കൂറും പ്രവർത്തിക്കുന്ന ഹെൽപ്പ് ഡസ്‌കും കോൾ സെന്ററും ആരംഭിച്ചു. 9496045052, 04868 243248 എന്നീ നമ്പറുകളിൽ സഹായങ്ങൾക്കായി ബന്ധപ്പെടാം. കൊവിഡ് രോഗികൾക്ക് ടെസ്റ്റിംഗിനു, ചികിത്സയ്ക്കുമായി വാഹന സൗകര്യവും ഏർപ്പെടുത്തിയിട്ടുണ്ട്. രാജകുമാരി ഗ്രാമപഞ്ചായത്ത് പ്രസിഡന്റ് ടിസ്സി ബിനു, പഞ്ചായത്ത് അംഗങ്ങളായ പി.രാജാറാം, ജെയ്‌സൺ, സെക്രട്ടറി സുരേഷ് ബാബു എന്നിവർ ശുചീകരണ പ്രവർത്തനങ്ങൾക്ക് നേതൃത്വം നൽകി.