ഇടുക്കി: പാൽ ഉല്പാദനത്തിൽ സ്വയം പര്യാപ്തത കൈവരിക്കുന്നതിന് ക്ഷീരവികസന വകുപ്പ് നടപ്പാക്കുന്ന തീറ്റപ്പുൽകൃഷി പദ്ധതിയിലേക്ക് അപേക്ഷ ക്ഷണിച്ചു. പദ്ധതിയുടെ ഭാഗമായി സബ്‌സിഡിയോടു കൂടി തീറ്റപ്പുൽ കൃഷി, ജലസേചന ധനസഹായം, യന്ത്രവത്ക്കരണ ധനസഹായം, ചോളം കൃഷി, തരിശു നിലത്തിൽ തീറ്റപ്പുൽ കൃഷി, ഹൈഡ്രോപോണിക്‌സ് യൂണിറ്റ് തുടങ്ങിയ വിവിധ പദ്ധതികൾ നടപ്പാക്കുന്നു. താത്പര്യമുളള ക്ഷീരകർഷകർ 15ന് മുൻപ് ബ്‌ളോക്ക് തലത്തിലുളള ക്ഷീരവികസന യൂണിറ്റ് ഓഫീസുകളിൽ നിർദ്ദിഷ്ട മാതൃകയിലുളള അപേക്ഷ ഫോറം സമർപ്പിക്കണം. കൂടുതൽ വിവരങ്ങൾക്ക് അതത് ക്ഷീരവികസന യൂണിറ്റുകളുമായി ബന്ധപ്പെടണമെന്ന് ഇടുക്കി ക്ഷീര വികസന വകുപ്പ് ഡെപ്യൂട്ടി ഡയറക്ടർ അറിയിച്ചു.