മുട്ടം: മലങ്കര അണക്കെട്ടിന്റെ മൂന്ന് ഷട്ടർ ഇന്ന് രാവിലെ 8 ന് 50 സെ. മീറ്റർ ഉയർത്തുമെന്ന് എം വി ഐ പി അധികൃതർ അറിയിച്ചു. ഓറഞ്ച് അലർട്ടിനെ തുടർന്ന് ഷട്ടർ ഉയർത്താൻ കളക്ടർ അനുമതി നൽകിയതിനെ തുടർന്നാണ് നടപടി. കഴിഞ്ഞ ഏതാനും ആഴ്ച്ചകളായിട്ട് ഒരു ഷട്ടർ 10 സെ. മീറ്റർ ഉയർത്തിയിരുന്നു. മൂലമറ്റം വൈദ്യുതി നിലയത്തിൽ ഉത്പാദനം കൂടിയതിനെ തുടർന്ന് കഴിഞ്ഞ ദിവസം രണ്ടാമത്തെ ഷട്ടറും 10 സെ. മീറ്റർ ഉയർത്തിയ അവസ്ഥയിലായിരുന്നു. 40.80 മീറ്ററാണ് നിലവിൽ അണക്കെട്ടിലെ ജലനിരപ്പ്.42 മീറ്ററാണ് പരമാവധി സംഭരണ ശേഷി.