തൊടുപുഴ: കൊവിഡ് പ്രതിരോധ പ്രവർത്തനങ്ങളിൽ പ്രവർത്തിക്കുന്ന നേഴ്സ്, പൊലീസ്, മറ്റ് ആരോഗ്യ - സന്നദ്ധ പ്രവർത്തകർ, കൊറോണ വന്ന് ഭേദമായ പൊതുജനങ്ങൾ എന്നിവർക്ക് വേണ്ടി സൗജന്യ ഇ - യോഗാ - പ്രാണായാമ ക്ലാസുകൾ ആരംഭിക്കുന്നു.യോഗശ്രീ യോഗാ പഠന കേന്ദ്രം ഡയറക്ടർ യോഗാചാര്യ ശ്രീജ ദീപക് നയിക്കുന്ന 'ശ്വാസമാണ് ആശ്വാസം'എന്ന പദ്ധതിയുടെ ഭാഗമായിട്ടാണ് ക്ലാസുകൾ. ശാരീരികവും മാനസികവുമായ പിരിമുറുക്കങ്ങൾക്ക് അയവ് വരുത്താൻ ഏറെ പ്രയോജനപ്രദമായ ശ്വസന വ്യായാമങ്ങളാണ് ക്ലാസിൽ ഉൾപ്പെടുത്തിയിട്ടുള്ളത്.മെയ് 22,23 തിയതികളിൽ രാവിലെ 7 മുതൽ 8 വരെയാണ് ക്ലാസുകൾ.ഗൂഗിൾ മീറ്റിലാണ് ക്ലാസുകൾ നടത്തുന്നത്. താല്പര്യമുള്ളവർ 9249798980 എന്ന നമ്പറിൽ നേരിട്ടോ വാട്ട്സ്ആപ്പ് വഴിയോ ബന്ധപ്പെടുക.Link അയച്ചു തരുന്നതാണ്.