തൊടുപുഴ: ന്യൂനപക്ഷ ക്ഷേമ വകുപ്പിനു കീഴിൽ തൊടുപുഴയിൽ പ്രവർത്തിക്കുന്ന ന്യൂനപക്ഷ യുവജന പരിശീലന കേന്ദ്രത്തിൽ ജൂലായിൽ ആരംഭിക്കുന്ന സർക്കാർ/ അർദ്ധ സർക്കാർ നടത്തുന്ന PSC, SSC, IBPS, RRB തുടങ്ങി വിവിധ മത്സര പരീക്ഷകൾക്ക് വേണ്ടിയുള്ള സൗജന്യ കോച്ചിംഗിന് അപേക്ഷ ക്ഷണിച്ചു. ഓൺലൈൻ അഭിമുഖത്തിന്റെ അടിസ്ഥാനത്തിൽ പ്രവേശനം ലഭിക്കുന്ന ഉദ്യോഗാർത്ഥികൾക്ക് പരിശീലനം തികച്ചും സൗജന്യമായിരിക്കും. ന്യൂനപക്ഷ വിഭാഗങ്ങളായ മുസ്ലിം, ക്രിസ്ത്യൻ, ബുദ്ധ, ജൈന, പാഴ്‌സി, സിഖ് എന്നീ വിഭാഗങ്ങൾക്കും മറ്റു ന്യൂനപക്ഷ പിന്നാക്ക വിഭാഗങ്ങൾക്കുമായാണ് സീറ്റുകൾ സംവരണം ചെയ്തിരിക്കുന്നത്. ആറുമാസക്കാലമാണ് പരിശീലന കാലാവധി. രാവിലെ 10 മുതൽ വൈകിട്ട് 3.30 വരെയാണ് ക്ലാസ്. ജനറൽ ഇംഗ്ലീഷ്, മാത്തമാറ്റിക്‌സ്, മലയാളം ആനുകാലികം, ജനറൽനോളഡ്ജ്, ഐ.ടി, സയൻസ്, ബാങ്കിംഗ്, വ്യക്തിത്വ വികസനം തുടങ്ങിയ വിഷയങ്ങളിൽ പ്രഗത്ഭരായ അദ്ധ്യാപകർ ക്ലാസുകൾക്ക് നേതൃത്വം നൽകും. അപേക്ഷ സമർപ്പിക്കേണ്ട അവസാന തിയതി ജൂൺ 16ന് വൈകിട്ട് അഞ്ച് വരെ. ഉദ്യോഗാർത്ഥികൾ 18 വയസ് തികഞ്ഞവരും എസ്.എസ്.എൽ.സിയോ ഉയർന്ന യോഗ്യതയോ ഉള്ളവരും ആയിരിക്കണം. അപേക്ഷകർ വ്യക്തിഗതവിവരങ്ങൾ, പാസ്‌പോർട്ട് സൈസ് ഫോട്ടോ, യോഗ്യത തെളിയിക്കുന്ന സർട്ടിഫിക്കറ്റ് എന്നിവ ccmytdpa@gmail.com എന്ന ഇ- മെയിൽ വിലാസത്തിലോ 9447512032, 7907464443 എന്നീ വാട്ട്സ്ആപ്പ് നമ്പരിലോ ഓൺലൈൻ ആയി സമർപ്പിക്കണമെന്ന് പ്രിൻസിപ്പൽ അറിയിച്ചു. വിശദ വിവരങ്ങൾക്ക് 9447512032 എന്ന നമ്പരിൽ ബന്ധപ്പെടുക.