മുട്ടം: മലങ്കര അണക്കെട്ടിൽ ജലനിരപ്പ് 38.76 മീറ്ററായി കുറഞ്ഞു. മൂലമറ്റം വൈദ്യുതി നിലയത്തിൽ ഉത്പാദനം കുറഞ്ഞതും സ്വഭാവിക നീരോഴുക്ക് കുറഞ്ഞതുമാണ് ജലനിരപ്പ് കുറയാൻ പ്രധാന കാരണം. എന്നാൽ അണക്കെട്ടിലെ നാല് ഷട്ടർ 40 സെ. മീറ്ററും രണ്ട് ഷട്ടർ 30 സെ. മീറ്ററും ഉയർത്തി തൊടുപുഴ ആറ്റിലേക്ക് വെള്ളം ഒഴുക്കി വിടുന്നുമുണ്ട്. ഏതാനും ദിവസം മുൻപ് ജലനിരപ്പ് ക്രമാതീതമായി ഉയർന്നതിനെ തുടർന്ന് ആറ് ഷട്ടർ 80 സെ. മീറ്റർ വരെ ഉയർത്തിയിരുന്നു. കാലവർഷം ശക്തമായതിനെ തുടർന്ന് ഏതാനും മസങ്ങളായി അണക്കെട്ടിൽ നിന്ന് 2 കനാലിലൂടെയും വെള്ളം കടത്തി വിടുന്നത് നിർത്തി വെച്ചിരുന്നു.