ചെറുതോണി: മുരിക്കാശേരിയിൽ നിന്ന് മലഞ്ചരക് സാധനങ്ങളുമായി പോയ പിക്അപ്പ് വാഹനം അപകടത്തിൽപ്പെട്ടു. ഇന്നലെ വൈകിട്ട് നാലിന് ചിന്നാർ ഇറക്കം ഇറങ്ങുന്നതിനിടയിൽ എസ് വളവിൽ വച്ചായിരുന്നു അപകടം. ഡ്രൈവർ ചാടി രക്ഷപ്പെട്ടതിനാൽ ആളപായമില്ല. റോഡിന്റെ അശാസ്ത്രീയമായ നിർമാണം മൂലമാണ് അപകടം ഉണ്ടായതെന്ന് നാട്ടുകാർ ആരോപിച്ചു. കുത്ത് ഇറക്കത്തിൽ കട്ട പതിപ്പിച്ചിട്ടുള്ള നിർമ്മാണമാണ് അപകട കാരണം. ലോഡുമായി ഇറക്കം ഇറങ്ങുന്ന നിരവധി വാഹനങ്ങൾ ഇവിടെ റോഡിൽ നിന്ന് തെന്നി മാറുന്നതായി പരാതി ഉയരുന്നുണ്ട്.