മുട്ടം: ജില്ലാ ഹോമിയോ ആശുപത്രിയിൽ പോസ്റ്റ് കൊവിഡ് സ്പെഷ്യൽ ഒ പി യും റഫറൽ സെന്ററും ജില്ലാ പഞ്ചായത്ത്‌ പ്രസിഡന്റ് ജിജി കെ ഫിലിപ്പ് ഉദ്ഘാടനം ചെയ്തു. മുട്ടം പഞ്ചായത്ത്‌ പ്രഡിഡന്റ് ഷൈജ ജോമോൻ അദ്ധ്യക്ഷത വഹിച്ചു. ഡി എം ഒ ജിജി വർഗീസ് പദ്ധതി സംബന്ധിച്ച് വിവരണം നൽകി. സൂപ്രണ്ട് അമ്പിളി എൻ, ജില്ലാ പഞ്ചായത്ത്‌ മെമ്പർമാരായ സി വി സുനിത, എം ജെ ജേക്കബ്, പഞ്ചായത്ത്‌ ആരോഗ്യ - വിദ്യാഭ്യാസ സ്റ്റാൻഡിങ്ങ് കമ്മറ്റി ചെയർ പേഴ്സൺ മെഴ്‌സി ദേവസ്യ, വാർഡ് മെമ്പർ ഡോളി രാജു, എച്ച് എം സി മെമ്പർ വി ആർ പ്രമോദ്, മെഡിക്കൽ ഓഫീസർ ആഷാ മോൾ കെ .എൻ എന്നിവർ സംസാരിച്ചു. കൊവിഡ് പ്രതിരോധ പ്രവർത്തനങ്ങളുടെ ഭാഗമായിട്ടാണ് സംസ്ഥാന ഹോമിയോ വകുപ്പ് കൊവിഡ് സ്‌പെഷൽ ഒ പി യും റഫറൽ സെന്ററും മുട്ടം ജില്ലാ ഹോമിയോ ആശുപത്രിയിൽ ആരംഭിച്ചിരിക്കുന്നത്. ജില്ലയിലെ മുഴുവൻ ഹോമിയോ ആശുപത്രികളിലും ഡിസ്പൻസറികളിലും ഈ പദ്ധതി പ്രാവർത്തികമാകും.