കാഞ്ഞങ്ങാട്: ലേക്ക് ഡൗൺ മാനദണ്ഡങ്ങൾ മറികടന്ന് കോഴി അങ്കത്തിലേർപ്പെട്ട അഞ്ച് പേരെ അമ്പലത്തറ പൊലീസ് പിടികൂടി . വേലശ്വരത്തെ അതിക്കാൻ തമ്പാൻ (56), എ. തോജസ് ( 24 ), ബജീഷ് (34), പെരിയയിലെ പി.രവി (48) ,ബേഡകം മൂന്നാട്ടെ നിതിൻ രാജ് (25) എന്നിവരെയാണ് അമ്പത്തറ പൊലീസ് സ്റ്റേഷൻ ഐ.പി രാജീവൻ വലിയവളപ്പിൽ അറസ്റ്റ് ചെയ്തത്. പുല്ലൂർ കേളോത്ത് ബാങ്കോക്കിൽ കോഴി അങ്കം നടത്തുന്നതിനിടെയാണ് ഇവർ പിടിയിലായത്. കോഴി അങ്കത്തിന് ഉപയോഗിച്ച എട്ട് കോഴികളും 4430 രൂപയും ഇവരിൽ നിന്ന് പിടിച്ചെടുത്തു. പരിശോധന സംഘത്തിൽ സിവിൽ പൊലീസ് ഉദ്യോഗസ്ഥരായ ശ്രീജേഷ്, രഞ്ജിത്ത് എന്നിവരും ഉണ്ടായിരുന്നു.