കോഴിക്കോട്: ജില്ലയിൽ മൺസൂൺകാല കടൽ രക്ഷാപ്രവർത്തനങ്ങൾക്കായി ബേപ്പൂർ ഫിഷറീസ് സ്റ്റേഷനിൽ 24 മണിക്കൂറും പ്രവർത്തിക്കുന്ന ഫിഷറീസ് കണ്‍ട്രോൾ റൂം മേയ് 15 മുതൽ പ്രവർത്തിക്കും. അപകടങ്ങളുടെ പൂർണ വിവരങ്ങൾ യഥാസമയം കൺട്രോൾ റൂമിൽ അറിയിക്കണം. മത്സ്യബന്ധനത്തിന് പോകുന്ന ബോട്ടുകളിലെയും തോണികളിലെയും തൊഴിലാളികളുടെ പൂർണ് വിവിരങ്ങൾ യാനം ഉടമസ്ഥർ നിർബന്ധമായും അറിഞ്ഞിരിക്കണം. ആവശ്യപ്പെടുന്ന പക്ഷം ഫിഷറീസ് കൺട്രോള്‍ റൂമിൽ ബോധ്യപ്പെടുത്തണമെന്നും ഫിഷറീസ് അസിസ്റ്റന്റ് ഡയറക്ടർ അറിയിച്ചു.