കുന്ദമംഗലം: മടവൂർ ചക്കാലക്കൽ ഹൈസ്ക്കൂൾ സ്റ്റുഡന്റ് പൊലീസ് കേഡറ്റുകൾ ഉച്ചഭക്ഷണ പ്പൊതികൾ വിതരണം ചെയ്തു. കോഴിക്കോട് നഗരത്തിലാണ് സിറ്റി പൊലീസുമായി സഹകരിച്ച് "ഒരു വയറൂട്ടാം" പദ്ധതിയുടെ ഭാഗമായി 630 ഉച്ചഭക്ഷണപ്പൊതികൾ വിതരണം ചെയ്തത്. പാകം ചെയ്ത ഭക്ഷണം പായ്ക്കറ്റുകളിലാക്കി കോഴിക്കോട് നഗരത്തിലെ വിവിധ കേന്ദ്രങ്ങളിലെത്തിച്ച്‌ വിതരണം ചെയ്യുകയായിരുന്നു. കമ്മ്യൂണിററ്റി പൊലീസ് ഓഫിസർമാരായ അബ്ദുൽ അലി, പി.ജിഷ എന്നിവർ നേതൃത്വം നൽകി.