പൊൻകുന്നം: ചിറക്കടവ് ഗ്രാമപഞ്ചായത്ത്, ഇടത്തംപറമ്പ് റെസിഡൻസ് വെൽഫയർ അസോസിയേഷൻ, കോട്ടയം ഹോമിയോ മെഡിക്കൽ കോളേജ്, ചിറക്കടവ് ഹോമിയോ ആശുപത്രി എന്നിവയുമായി ചേർന്ന് പഞ്ചായത്തിലെ മുഴുവൻ വീടുകളിലും കൊവിഡ് പ്രതിരോധ ഹോമിയോ മരുന്ന് എത്തിക്കും. മരുന്ന് വിതരണം പഞ്ചായത്ത് പ്രസിഡന്റ് അഡ്വ.സി.ആർ ശ്രീകുമാർ ഉദ്ഘാടനം ചെയ്തു.

പഞ്ചായത്തംഗങ്ങൾ, അങ്കണവാടി പ്രവർത്തകർ, ജനജാഗ്രത സമിതിയംഗങ്ങൾ, ആശാവർക്കർമാർ, അസോസിയേഷനിലെ അംഗങ്ങൾ തുടങ്ങിയവർ വിതരണത്തിന് നേതൃത്വം നൽകും. ആഹാരത്തിന് മുൻപ് നാല് ഗുളിക കഴിക്കണമെന്ന് ഹോമിയോ വകുപ്പ് അധികൃതർ നിർദേശിച്ചു. അര മണിക്കൂറിനു ശേഷം മാത്രമേ ആഹാരം കഴിക്കാവൂ. മൂന്നാഴ്ചക്ക് ശേഷം വീണ്ടും ഇതുപോലെ മരുന്നു കഴിക്കണം.