കുമരകം : പഞ്ചായത്തിലെ രണ്ടാം വാർഡിൽ പതിനാലു വർഷം തരിശുകിടന്ന 50 ഏക്കറുള്ള മറ്റീത്ര -ചാഴിവലത്തുകരി പാടശഖരത്ത് കൊയ്ത്ത് ഉത്സവം നടത്തി.സംസ്ഥാന സർക്കാരിന്റെ സുഭിഷകേരളം പദ്ധതിയിൽ ഉൾപെടുത്തി കുമരകം ഗ്രാമപഞ്ചായത്ത് , കർഷക സംഘം കുമരകം നോർത്ത് കമ്മറ്റി, കുമരകം ക്യഷിഭവൻ, കൃഷി വിജ്ഞാനകേന്ദ്രം എന്നിവയുടെ സഹകരണത്തോടെ പാടശേഖരസമതിയാണ് കൃഷി നടത്തിയത്. കൃഷിക്ക് ആവശ്യമായ തുക 315 സർവീസ് സഹകരണ ബാങ്കാണ് വായ്പയായി നൽകിയത്. കൊയ്ത്തുത്സവം ഗ്രാമപഞ്ചായത്ത് പ്രസിഡൻ്റ് ധന്യാ സാബു ഉദ്ഘാടനം ചെയ്തു. ജില്ലാ പഞ്ചായത്തംഗം കെ.വി ബിന്ദു, ബ്ലോക്ക് പഞ്ചായത്തംഗം കവിതാ ലാലു , ഗ്രാമപഞ്ചായത്തംഗം സ്മിതാ സുനിൽ, കൃഷി ഓഫീസർ സുനാൽ, പാടശേഖര സമതി സെക്രട്ടറി പി.ബി അശോകൻ, 315 സർവീസ് സഹകരണ ബാങ്ക് പ്രസിഡൻ്റ് കെ.കേശവൻ, ജയ്മോൻ മറുതാച്ചിക്കൽ, പുഷ്കരൻ കുന്നത്തുചിറ ,റ്റിജോ തൈത്തറ, ഷിജോ ജോൺ എന്നിവർ പങ്കെടുത്തു.