കടുത്തുരുത്തി : കൊവിഡ് രോഗികൾക്ക് വേണ്ടിയും, കൊവിഡ് രോഗ പ്രതിരോധ പ്രവർത്തനങ്ങൾക്കും, രോഗാവസ്ഥയിലുള്ളവർക്ക് മരുന്നും, ഭക്ഷ്യ കിറ്റുകളും എത്തിക്കുന്നതിനും സഹായകരമാകുന്ന വിധത്തിൽ കടുത്തുരുത്തി എം.എൽ.എ ഹെൽപ്പ് ഡെസ്‌കിന്റെ ഭാഗമായി യൂത്ത് ഫ്രണ്ട് കടുത്തുരുത്തി മണ്ഡലം കമ്മറ്റിയുടെ നേതൃത്വത്തിൽ വാഹന സൗകര്യം ഏർപ്പെടുത്തി. പി.പി.ഇ കിറ്റ് ധരിച്ച് വിവിധ കൊവിഡ് രോഗികളെ ആദ്യ ദിനത്തിൽ തന്നെ യൂത്ത് ഫ്രണ്ട് പ്രവർത്തകർ ആശുപത്രിയിലേക്കും, വീടുകളിലേക്കും എത്തിച്ച് കൊണ്ടാണ് എം.എൽ.എ ഹെൽപ്പ് ഡെസ്‌ക് വാഹന യാത്രാ സഹായ പ്രവർത്തന പരിപാടിക്ക് തുടക്കം കുറിച്ചത്. അഡ്വ. മോൻസ് ജോസഫ് എം.എൽ.എ ഫ്‌ളാഗ് ഒഫ് ചെയ്തു. യൂത്ത് ഫ്രണ്ട് മണ്ഡലം പ്രസിഡന്റ് ജോസ്‌മോൻ മാളിയേക്കൽ പ്രവർത്തനങ്ങൾക്ക് നേതൃത്വം നൽകി. കേരള കോൺഗ്രസ് നേതാക്കളായ സ്റ്റീഫൻ പാറാവേലി, ജോസ് വഞ്ചിപ്പുര, വാസുദേവൻ നമ്പൂതിരി, ജോണി കണിവേലി, ജോയി കൊച്ചുപുഞ്ചയിൽ, യൂത്ത് ഫ്രണ്ട് വോളന്റിയർമാരായ ജീൻസ് ചക്കാലയിൽ, എം.ജെ ജെയിസൺ, അരുൺ മാത്യു, ടുഫിൻ തോമസ്, ജിന്റോ സ്റ്റീഫൻ, ആൽബിൻ തോമസ് എന്നിവർ പ്രസംഗിച്ചു.

കൊവിഡ് രോഗ പ്രതിരോധ പ്രവർത്തനത്തിന്റെ ഭാഗമായി കടുത്തുരുത്തി മണ്ഡലത്തിൽ ഏർപ്പെടുത്തിയ എം.എൽ.എ ഹെൽപ്പ് ഡെസ്‌ക് വാഹനം അഡ്വ. മോൻസ് ജോസഫ് എം.എൽ.എ ഉദ്ഘാടനം ചെയ്യുന്നു