ചങ്ങനാശേരി: ചങ്ങനാശേരി ബോട്ട് ജെട്ടി, പണ്ടകശ്ശാലക്കടവ്, പറാൽ, വെട്ടിത്തുരുത്ത് ഭാഗങ്ങളിലെ പോള നീക്കം ചെയ്യുന്നതിന് മേജർ ഇറിഗേഷൻ വകുപ്പ് മൂന്നര ലക്ഷം രൂപ അനുവദിച്ചു. കഴിഞ്ഞ ദിവസം തുടർച്ചയായി പെയ്ത മഴയിൽ ബോട്ട് ജെട്ടിയിൽ പോള തിങ്ങി നിറഞ്ഞ് പറാൽ റോഡിലേക്ക് വെള്ളവും പോളയും തിങ്ങികയറിയത് പ്രദേശവാസികളെ ദുരിതത്തിലാക്കിയിരുന്നു. സ്ഥലം സന്ദർശിച്ച നിയുക്ത എം.എൽ.എ അഡ്വ. ജോബ് മൈക്കിൾ വിഷയം ഇറിഗേഷൻ വകുപ്പിന്റെ ശ്രദ്ധയിൽപ്പെടുത്തുകയും പോള നീക്കം ചെയ്യുന്നതിനാവശ്യമായ നടപടി അടിയന്തിരമായി സ്വീകരിക്കണമെന്ന് നിർദ്ദേശം നൽകുകയും ചെയ്തിരുന്നു. ഇതേ തുടർന്നാണ് മൂന്നരലക്ഷം രൂപ അനുവദിച്ചത്. ഒരാഴ്ചയ്ക്കുള്ളിൽ പോള നീക്കം ചെയ്യും.