ടോക്കിയോ: ജപ്പാനിലെ ഹോൻഷു ദ്വീപിൽ വൻ ഭൂചലനം. റിക്​ടർ സ്​കെയിലിൽ 6.6 തീവ്രത രേഖപ്പെടുത്തി. ആളപായമോ നാശനഷ്ടമോ രേഖപ്പെടുത്തിയിട്ടില്ല.

ഇന്നലെ രാവിലെ ജപ്പാൻ സമയം 6.57നാണ്​ ഭൂചലനം അനുഭവപ്പെട്ടത്​. മണ്ണിടിച്ചിലിന്​ സാദ്ധ്യതയുണ്ടെങ്കിലും സുനാമി മുന്നറിയിപ്പ്​ പുറപ്പെടുവിച്ചിട്ടില്ല. ടോക്കിയോയുടെ​ വടക്ക് ഫുകുഷിമ ആണവ നിലയത്തിന് സമീപം മിയാഗി തീരത്തോട് ചേർന്നാണ് ഭൂചലനം അനുഭവപ്പെട്ടത്.നിലയത്തിൽ ടോക്കിയോ ഇലക്​ട്രിക്​ പവർ പരിശോധന നടത്തി.