പൂനെ: കൊവിഡ് രോഗം വന്ന് മരണമടഞ്ഞയാളുടെ പോക്കറ്റിൽ നിന്നും പണം മോഷ്ടിച്ച് ആശുപത്രി ജീവനക്കാർ. മഹാരാഷ്​ട്രയിലെ ധുലെയിലുള്ള ശ്രീ ഗണേഷ മൾട്ടി സ്​പെഷ്യാലിറ്റി ആശുപത്രിയിലാണ് സംഭവം ഉണ്ടായത്. ജീവനക്കാരായ നാല്​ യുവാക്കൾ ചേർന്നാണ്​ രോഗം ബാധിച്ച് മരിച്ചയാളുടെ പോക്കറ്റിൽ നിന്നും പണം മോഷ്​ടിച്ചത്​.

ആശുപത്രിയിലെ സി.സി.ടി.വിയിൽ പതിഞ്ഞ മോഷണത്തിന്റെ ദൃശ്യങ്ങൾ പുറത്തു വന്നിട്ടുണ്ട്. നിലത്ത്​ കിടത്തിയിരുന്ന മൃതദേഹം യുവാക്കൾ ചേർന്ന്​ സ്ട്രച്ചറിലേക്ക് മാറ്റുന്നതും, ശേഷം ഒരാൾ പോയി ഡോർ അടക്കുന്നതും മറ്റുള്ളവർ ചേർന്ന്​ മരിച്ചയാളുടെ പോക്കറ്റിൽ നിന്ന്​ പേഴ്​സ്​ എടുക്കുന്നതുമാണ് ദൃശ്യങ്ങളിൽ കാണുന്നത്.

content details: hospital staff steal money from dead covid patients purse.